بترتيب من القدر ج١ بقلم نشوه عادل

مش تفتح يا اعمى انت كنت هتموتنى يخربيت اللى علمكم السواقة 
نزل شاب فى اواخر العشرينات وهو واضح عليه القلق وقال انا اسف جدا انتى كويسة 
تصدق انك بجح وبارد كنت هتدوسنى وتقولى انتى كويسة لما مش بتعرفوا تسوقوا بتركبوا عربيات ليه 
ع فكرة انا اتأسفتلك وبعدين انتى بخير اهو مفيش داعى لكل الكلام ده 

والله بجد هى ارواح الناس عندكم عادى كده ماشين تدوسوا ع خلق الله بفلوسكم وبعدين انا مستغربة ليه تلاقيها امك اللى اشتريتهالك شكلك من بتوع بابى ومامى
بقولك ايه لمى لسانك احسنلك انا لحد الان بتعامل معاكى بهدوء واحترام ولا عشان سكتناله هيدخل بحماره
والله ما حد حمار غيرك وانا غلطانة اصلا انى واقفة اضيع وقتى معاك بنى ادم مستفز 
مشيت من ادامه وهو واقف مصډوم من اللى حصل وصډمته الاكبر انه ساكت ليها وماسك اعصابه ع عكس طبيعته المعروفة وسط الجميع مسح ع راسه پغضب وهو بيلف وشه لقى فون واقع ع وشه ومكسور وتلقائى فهم انه بتاعها لف عشان يشوفها لكنها كانت اختفت اخد الفون وركن عربيته وطلع ع مقر الشركة واول ما شافته السكرتيرة اهلا عمر بيه مصطفى بيه ف انتظارك من بدرى 
عمر تمام
دخل عمر ع مصطفى من غير ما يخبط حتى واول ما دخل اترمى ع الكنبة 
مصطفى انت داخل زريبة يا ابنى مش تخبط قبل ما تدخل او حتى تقول سلام عليكم 
عمر هششش اخرج من دماغى انا مش فايقلك 
مصطفى بضحك مالك يا باشا شكلك ع اخرك ف ايه 
عمر مفيش مرة اجى فيها ام الشركة دى الا ويحصل مصېبة 
مصطفى عمر مصايب والله اسم يليق عليك عملت ايه المرة دى 
حكى ليه عمر اللى حصل واڼفجر مصطفى بالضحك لحد ما وشه احمر عمر ي عم انت متستفزنيش انا ماسك نفسى بالعافية
مصطفى بضحك والله ما قادر بقى الرائد عمر الخيام يحصل فيه كده لا وسمع التهزيق وسكت يعنى عجايب الدنيا السبعة بقوا ٨ النهاردة 
عمر تصدق انى غلطان انى حكيت ليك ادى اللى باخده لما بقلع الميرى
مصطفى الله وانا مالى يا عم يعنى مقدرتش ع الحمار هتتشطر ع البردعة 
عمر هو ايه حكاية الحمير النهاردة يكونش النهاردة اليوم العالمى للحمير 
مصطفى بضحك انا عاوز افهم انت ايه اللى جابك اصلا انت بقالك شهرين مخطيتهاش برجلك 
عمر اعمل ايه ف خالك هو اللى اصر اعدى عليك عشان امضى ورق الصفقة طلبت منه يجيبه البيت وامضيه وخلاص مرضاش وصمم اجى بنفسى ويقولى روح شوف الشركة اللى هتمسكها من بعدى ع اساس انى بفهم ف الشغل ده اوى
مصطفى عنده حق يا عمر بعد عمرين طوال ليه انت اللى هتكون مسؤل عن ده كله واكيد هتسيب شغلك ف الشرطة 
عمر مش هيحصل يا مصطفى واخلص هات الورق خلينى امشى 
عند البنت نفسها وصلت ع بيتها ف حى شعبى بسيط وكانت ماشية تكلم نفسها وقفتها واحدة من جيرانها اسمها مديحة وقالت بت يا قدر انت اټهبلتى ماشية تكلمى نفسك ليه 
قدر والنبى تسبينى فى حالى يا خالتى ده يوم كله ما يعلم بيه الا الله 
مديحة بضحك تقومى تمشى تكلمى نفسك زى المجانين ده انا ع كده اخد اوسكار ف الصبر 
قدر انتى عاوزة ايه دلوقتى منى 
مديحة وانا هعوز منك ايه يا اختى ابقى قولى لامك تعدى عليا تاخد فلوس الجمعية بعد العشا عشان رايحة مشوار دلوقتى 
قدر ماشى يا ديحة خلى بالك من نفسك يا بطة 
طلعت قدر ع شقتها واول ما دخلت لقت امها بتمسكها من قفاها كنتى فين يا بت ها وقافلة تليفونك ليه 
قدر ي سماح عيب والله انتى كده هتخلينى اقطع الخلف ف مرة سبينى طاه عشان نتفاهم
سماح ادينى سيبتك كنتى فين يا هانم 
قدر كنت بقدم ع شغل الشركة اللى حكيتلك عنها والحمدلله اتقبلت 
سماح طب كويس امال مالك قالبة وشك ليه ومضايقة 
حكت ليها قدر اللى حصل سماح يخربيت عقلك ليه عملتى كده ف الراجل وهو بيعتذرلك يا بومة 
قدر عشان بارد ومستفز 
سماح وفين تليفونك رنيت عليكى كذا مرة مردتيش وبيدينى مغلق 
قدر زمانه فصل شحن استنى اقوم اشحنه 
فتحت قدر شنطتها وملقتش الفون قدر عااااا الفون راح فين 
سماح يعنى ايه راح فين هو مش كان معاكى يا بت 
قدر ايوة بس مش لاقياه معقول اكون نسيته ف الباص رنى عليه كده تانى يا ماما 
سماح رنت ع الفون كذا مرة وكان مقفول يمكن حد لقاه واخده خلاص مش مهم فداكى المهم انك بخير
قدر فدايا ايه احنا هنهزر انا عشان اجيب واحد زيه محتاجة مرتب شهر وغير كده البطاقة كانت ف الجراب اعمل ايه انا دلوقتى 
سماح اصبرى يمكن حد ابن حلال يلاقيه ولو عدى بكرة من غير فايدة لازم تروحى تعملى بدل فاقد للبطاقة بدل ما حد يعمل مصېبة بيها وانتى تلبسيها 
قدر انا عارفة حظى وبختى مايل ف كل حاجة ومفيش حاجة عدلة بتحصلى وتكمل للاخير لا وكمان الخط عليه كل الاسماء المهمة ومش هعرف ارجعه لان قاسم اللى كان جايبه باسمه قبل ما يسافر
سماح طب بس سبيها لله وان شاء الله هيرجع 
عند عمر نزل من الشركة وراح ع القسم دخل مكتبه وطلب من العسكرى القهوة بتاعته وهو بيحط ايده ف جيبه لقى الفون طلعه وبيفتح الجراب لقى البطاقة 
عمر قدر حسين سليمان على حاصلة ع بكالوريوس تجارة قدر ايه الاسم الغريب ده 
دخل العسكرى وحط القهوة 
خرج عمر الشريحة من الفون وحطها ف فونه لكن ملقاش عليها اى ارقام فى نفس الوقت وصلت رسالة ع فون سماح ان فون قدر اتفتح وووووو يتبع
بترتيب من القدر الاول
بقلم نشوه عادل
خرج عمر الشريحة من الفون وحطها ف فونه لكن ملقاش عليها اى ارقام فى نفس الوقت وصلت رسالة ع فون سماح ان فون قدر اتفتح سماح بت تعالى فيه رسالة جات ان تليفونك اتفتح
قدر بلهفة طيب هاتى بسرعة ارن عليه 
بالفعل رنت ولقى عمر الفون بيرن فتح وقال الو 
قدر السلام عليكم لو سمحت الفون ده بتاعى وانا محتاجاه ضرورى ومستعدة اعطيك اى مبلغ تطلبه
عمر انا لقيت تليفونك متكسر اصلا يا انسة 
قدر لا والله اومال بتكلمنى دلوقتى ازاى انت حرامى ناصح بس ع مين 
عمر يا شيخة اتهدى بقى انتى بالفون والحقيقة لسانك طويل اللى يشوفك بالحقيقة ميشوفش طولة لسانك 
قدر وانت تعرفنى ف الحقيقة ازاى يا حرامى
عمر لا حول ولا قوة الا بالله برضه حرامى تصدقى انى غلطان فعلا انا هقفل
قدر طب خلاص بالله انا اسفة والله انا اهم حاجة عندى البطاقة والشريحة 
عمر ما هو عشان كده انا شيلت الشريحة وحطيتها ع فونى الخاص وملقتش اى ارقام عليها فعيب اوى اسلوبك ده
قدر خلاص انا اسفة طيب ممكن نتقابل فين عشان اخدهم 
عمر بكرة الساعة ١١ ف الدقى 
قدر طب ممكن تخليها ٨ معليش عشان عندى شغل مهم
عمر يا سيتى ماشى 
قدر ماشى شكرا اوى لزوقك واسفة ع اسلوبى 
عمر انا