أريد حبها سولييه نصار
عشان جدي أجبرني اتجوزك وانا مكنتش عايزاك من الأساس
كلامها ضايقني أنا مفروض اللي مكنش عاوزها وهي اللي تحبني بس دلوقتي بيحصل العكس هي اللي مش عايزاني وانا اللي غيران عليها بصيتلها ببرود وقولت
فرح انتي مراتي حاليا يبقي تحترمي اسمي فاهمة ولو شوفت حد بيقرب منك من الكلية همنعك تروحي تاني فاهمة ولا لا
الله حلوة ديكتاتوري دي
سمعتها من فين
من مدرسة الدراسات
شاطرة يختي يالا روحي من النهاردة رجلي علي رجلك في اي مكان وزميلك ده يستحسن مشوفهوش قدامي والا والله ارتكب چريمة
يوووه
يالا غوري يا بت ذاكري بنات اخر زمن
مشيت من قدامي وهي متضايقة وانا قعدت علي الانتريه وانا بغلي دي ناوية تجلطني جايبالي عريس في أول أسبوعين دراسة جايبة لجوزها عريس !!!دي قادرة بس ماشي يا انا يا انتي يا فرح أنا هوريكي
قالتها مريم اللي شغالة معايا مساعدة في العيادة بتاعتي
ايوة
تمام هساعدك
الهي تنستري
بس برضه عايزني اعمل ايه بالضبط
صبرني يا رب يا ماما أنا بقالي ساعتين بشرحلك يالا هشرحلك تاني وامري لله
ها احكي يا دكتور أنا معاك
وبدأت اشرح لمريم تاني وانا بدعي أن الهبلة دي متبوظش الدنيا
ايه ده يا وائل احنا عندنا ضيوف
قالتها فرح
بصيتلها بغيظ بس سيطرت علي نفسي وقولت
احب اعرفك يا فرح دي مريم اللي هتبقي مراتي
ايه
قربت مريم وحاولت تقول بمياعة
سمعتيه يا حبيبتي انا ابقي خطيبته وهو يبقي جوزي قرة عيني
سألت فرح بحيرة
يا بقرة
قولتها بصوت واطي لمريم فقالت مريم
لا احنا لسه مخطوبين
ابتسمت فرح وحضنت مريم وقالت
الف مبروك فرحتلكم
بعدت مريم عنها فقولت
يا فرح بقولك دي خطيبتي
حضنتها وباستها وقالت
اهلا وسهلا يا حبيبتي الف مبروك
فرحتلك يا وائل
بعدين قربت مني وقالت بصوت واطي
بس المشكلة أنها اطول منك سيكا مش مشكلة هجيبلك جزمة بكعب
سكتت شوية وقالت
مال بوقك يا وائل اتعوج ليه!!
يتبع
اريد حبها
سولييه نصار
الجزء التالت شكرا علي تفاعلكم السكربقلم
سولييه نصار
اسفة يا دكتور علي خطتنا اللي فشلت
بصيت لمريم وقولت
مخصوملك تلات ايام يا مريم يالا روحي لشغلك
ايه حرام عليك يا دكتور أنا عملت ايه
اهو كده ظلم واستبداد
حسبي الله ونعم الوكيل فيك يا ظالم
قالتها ومشيت فبصيت بذهول وطلعت برشامة السيولة التانية واخدتها هتجيلي جلطة بسببهم منهم لله الستات
كنت قاعد في البيت فلقيت فرح لابسة ومتشيكة وخارجة
تعالي هنا رايحة فين
رايحة اليكس
ايه اليكس دي يختي
الاسكندرية يا وائل
افندم با حبيبتي
ابتسمت ببساطة وقالت
ايوة رحلة تبع الكلية بتاعتي دفعت تمنها وهروح
طلعت برشامة السيولة تحسبا لأي حاجة واخدتها وبعدين بصتلها وقولت
من غير اذني
وانا هستنأذنك ليك
اصلهم بيقولوا اني جوزك
اه صحيح نسيت الموضوع ده
مسكت قلبي وقولت
قوليلي مين سلطك عليا يخربيتك معرفتش المړض إلا لما اتجوزتك
الله وانا مالي يا لمبي ده انا حتي في حالي ومش بحتك بيك ودلوقتي يالا باي
لسه هتمشي قومت ومسكتها من بلوزتها وقولت
ادخلي دلوقتي اوضتك قبل ما ارتكب جناية
يعني مفيش رحلة
مفيش زفت علي دماغك ادخلي متكفريش سيئاتي
لما شافت شكلي كده خاڤت ودخلت اوضتها قعدت علي
