روايه جميله بقلم ايمان صلاح
انت في الصفحة 1 من 5 صفحات
من حكايات ايمي بقلم ايمان صلاح
_بص مين جه بره عندنا دي هاجر يا وائل
حسيت وقتها الدنيا وقفت بيا مفيش صوت ولا حركه حاسس بصوت انفاسي بتعلى وقلبي بيدق لدرجة كل الناس سمعاه سمعت صوت نوال اختي بتتكلم
_ ايه روحت فين يا وائل انا بكلمك!
_ ها اهه اهه أنا معاكي بتقولي حاجه
حاولت اتكلم بثبات _ تمام عايزه حاجه انتي!
_ لا مش عايزه تعالى نخرج نستقبلها
هزيت راسي بنفي وانا بحاول اتهرب منها_ مش عايز استقبل حد انا عايز انام يلا اخرجي
نمت على السرير واتغطيت وهي بصتلي بدهشه وخرجت انا مش عايز اقابلها خاېف من مقابلتها اللي بحسبلها من سنه من وقت ما اتخطبت وانا بفكر ازاي هقابلها واتعامل معاها ازاي هتكلم معاها وانا عارف انها لغيري مش ليا وعمرها ما هتكون ليا!
وحشتيني والله يا مرات عمي عامله ايه
_ الحمدلله يا هاجر انتي اخبارك ايه طمنيني عليكي وامك وابوكي عاملين ايه
_ الحمدلله بيسلموا عليكي
_ الله يسلمك يا حبيبتي تعالي يلا اقعدي
_ حاضر
قعدت ومرات عمها بصت ل بنتها
_ لا والله انا اكلت من شويه
_ ازاي يعني ده الطريق من هنا لبيتكم اكتر من ساعتين
_ لا ما انا اكلت سندوتشات
اتكلمت بلوم _ طيب وده ينفع برضوا انتي جايه بيت عمك وتقولي سندوتشات!
_ والله يا مرات عمي كنت جعانه وبعدين انا قاعده معاكم اهو هاكل في اي وقت
ضحكت _ لا مليش اي حجه ماشي يا نوال هستنى العصير
خرجت نوال وهاجر اتكلمت معاها وبعدها سألتها
_ امال فين محمد ووائل يا مرات عمي
_ محمد في الشغل ووائل كان في الاوضة من شويه ممكن يكون نايم
_ طيب هقوم اعمل مكالمه لحد ما نوال تجيب العصير
_ الووو
_ ايه يا تامر عامل ايه
_ الحمدلله يا هاجر وصلتي
_ لسه فاكر تسأل اني وصلت يا تامر انت حتى مفكرتش ترن عليا حتى!
_ انتي عايزه ايه دلوقتي يا هاجر انا عندي شغل
_ عايزاك تهتم بيا يا تامر
_ لما اخلص ههتم بيكي دلوقتي عندي شغل سلام
_ تسلم ايدك يا نوله
_ بالف هنا يا هاجر
_ هو لسه لحد دلوقتي محمد ووائل محدش فيهم جه
_ لا يستي محمد مش بيوصل دلوقتي خالص
_ طيب ووائل
_ ها وائل نايم أصله كان سهران بليل
_ خلاص تعالي نقعد انا وانتي شويه لحد ما يوصلوا
_ اشطا
تعالي ونشغل حاجه نسمعها مع بعض ايه رايك
ابتسمتلها بهدوء _ كده تمام
راحت عند الشاشه وفتحتها وشغلت فيلم بس كان قديم شويه
_ الله انا بحب الفيلم ده اوي
_ ما انا عارفه انتي طول عمرك بتحبي رشدي اباظه
_ انتي لسه فاكره ده تقريبا مكنتش بعدي فيلم ليه عموما انا بحب كل الافلام القديمه كلها
ضحكت _ هي فعلا الافلام القديمه حلوه بس الجديد احلى
بصتلها باهتمام_ لو عايزه تقلبي على القناة وتجيبي فيلم غير ده عادي على فكره
_ لا انا مش مهتمه اوي فهسمع معاكي
هزيت راسي بهدوء_اوكي
كنا
قاعدين مندمجين اوي ومرات عمي جت وشاركتنا الفيلم وبعدها لقيت وائل واقف قصادنا
_ ايه هو لسه لحد دلوقتي فيه حد بيسمع الزوجه 13
نوال ضحكت وهي بتبعد شويه وردت عليه _ بصراحه الفيلم حلو اوي تعالى اقعد معانا
كان بيتكلم معاها وبعدها بصلي بهدوء _ ازيك يا هاجر عامله ايه
_ الحمدلله انت عامل ايه يا وائل كويس
رد عليا وهو بيقعد جنب نوال_ الحمدلله عايش
بصتله بذهول رده فاجئني _ هو حد قايل عليك مېت ايه عايش دي!
_ عادي يعني متهتميش يا هاجر
_ مش فاهمه حاجه
شوح بإيده _ مش لازم تفهمي على فكره!
مسك الريمود قلب بلامبالاه وانا بصتله بغيظ ايه البني ادم ده هو بقى عامل كده ليه!
قومت من مكاني بضيق وطلعت بره وبعدها وقفت بعيد ونوال وقفت جنبي.
_ اوعي تكوني زعلتي من وائل
_ لا لا هزعل من ايه وائل زي احمد اخويا بالظبط
_ هو طبعه جاد شوية وكمان حاله الفترة الفاتت بقى غريب
_ لا انا عارفه طبعه كويس بس هو مكنش كده ابدا
_هو فعلا مكنش كده بس حاله اتغير من يوم وليله تماما
بصتلها بفضول _
