روايه جميله بقلم ايمان صلاح

حب ولا فيه بينا حب 
بصلي بلهفه ورد _ امال اتخطبتيله ازاي 
_ مامته صاحبة ماما واتقدملي وماما فرضته عليا عارف لما يحصل حاجه ماما تيجي تزعقلي

عشانه حتى لو هو اللي غلطان مش انا 
_ يعني انتي مش بتحبيه!
_ لا لو كان شخص كويس كان ممكن بس 
سكت وبعدها الميكانيكي جه وقال إنه العربيه اشتغلت وائل حاسبه وبعدها ركبنا ووصلنا البيت ودخلنا من غير ما نتكلم اصلا اول ما دخلت اتفاجأت كلهم متجمعين وظهر تامر قدامي فجاه
_ اهي شوفتي الهانم كانت مع البيه لحد امتى يا خالتي 
_ قصدك ايه يا تامر 
_ قصدي سيبتي بتكم وجايه تلفي مع البيه اصل محدش همك 
_ انت بتقول ايه انتي سامعه الكلام ده يا ماما 
_ انتي كنتي فين ده كله يا هاجر هو عنده حق 
_ عنده حق
_ لها عندي حق لما خطيبتي تجيلي في نص الليل مع واحد غريب يبقى ايه 
_ ده مش غريب ده ابن عمي انت فاهم 
_ ابن عمك! وده يديكي الحق انك تلفي على حل شعرك معاه 
وائل اتعصب _ لا انت زودتها اوي 
مسكه وضربه واتخانقه مع بعض وبعدها محمد واحنا فاصلنا بينهم
_ انت انسان قليل الادب ومتستحقش انك تكون خطيبها اصلا 
_ انت اخر واحد تتكلم ومتستحقش ليه انت اللي تستحقها ما من حقك واحده رخيصه ا
ايمان_صالح
مكملش كلامه وكان وائل مسك فيه تاني وبعدها طرده بره البيت تماما
ماما بصتله وزعقت_ انت ازاي تعمل فيه كده 
_ وانتي ازاي تسكتيله يتكلم على بنتك كده 
_ انت مالك واحد وخطيبته 
_ لا مالي ونص دي بنت عمي وانا مستحيل اخلي حد يضايقها ولا يتكلم عليها ولا حتى انتي
ماما بصتله بذهول ومشيت ورا تامر عشان تصالحه انا متاكده من ده كويس أصلها ملهاش غير أصحابها وبس حتى لو على حساب كرامتي 
كنت قاعده بعيط عشان اللي ماما عملته
_ انتي زعلانه من اللي انا عملته انا اسف يا هاجر بس 
هزت راسي بنفي _ لا انت معملتش حاجه انا كنت محتاجه حد يقف قدامه تامر عشان ماما بتقف معاه بقى يتطاول عليا يا وائل
_ ميقدرش بعد كده يعملك حاجه 
_ انا اسفه عشان جبتلك الكلام والمشاكل و
_ لا لا متتاسفيش ده واجبي اقف معاكي وادعمك 
عدت ايام وبعت ل ماما اني مش عايزه تامر وانها تبعتله شبكته وبعتله هو كمان وقتها زعلت بس عادي شوية وتهدى اصلا مبقتش طايقاه اكتر من الاول.
_ ايه ده انتوا رايحين فين 
كانوا واقفين بيحضروا لبسهم وكل واحد رايح اوضة بصتلي نوال وقالتلي _ النهارده خطوبة صاحبتي ومحمد ووائل جايين معانا ما تلبسي وتيجي
_ بجد
_ اهه والله
طلعت بسرعه اختارت فستان طويل ولبست كعب وحطيت ميك اب خفيف وفردت شعري وبعدها نزلت بهدوء 
_ انا جاهزه
كانوا كلهم واقفين منتظرين وبعدها بصولي وانا نازله نوال قربت مني بابتسامه 
_ايه يا بنتي الحمدان ده انتي حلوه كده ليه 
اتكلمت بغرور مصتنع _ طول عمري حلوه على فكره 
_ تبا لتواضعك
ضحكت ومحمد
_ ايه القمر ده
وائل
_ عايز اقولك حاجه 
_
قول

_ انا كلمت ساره فكراها وبعدها خدت ميعاد مع اهلها وهروح اتقدملها 
ابتسمت بفرحه _ بجد الف مبروك 
ضحك _ الله يبارك فيكي يا جميل عقبالك 
وائل زعق_ اخلص يا زفت 
روحنا ركبنا في العربيه محمد ركب جنب وائل وانا ونوال ورا ومشينا طول الطريق وائل بيبصلي في المرايا مش فاهمه فيه ايه 
دخلنا القاعه انا ونوال نوال راحت تسلم على صاحبتها ولقيت وائل واقف جنبي
_ بس ايه الفستان ده 
_ ايه وحش!
_ لا حلو اوي بس انتي قولتي هتلبسي الفستان ده لواحد مميز 
ابتسمت وبصتله _ اها ما انا لقيته خلاص 
_ ويا ترى مين بقى 
ابتسمت _ هو عارف نفسه كويس 
لسه هيرد نوال جت وقفت معانا وبعدها جت لحظة رقصة العريس والعروسه والكابلز يشاركوا محمد شد نوال ورقصوا مع بعض وبعدها وائل
_ تسمحيلي
كان بيبص في عيوني وانا كان قلبي بيدق بطريقة غريبه!
كنا بنرقص وبعدها ميل عليا واتكلم في ودني بصوت مسموع
_ بحبك بحبك من زمان اوي 
بصتله وارتبكت مكنتش متوقعه منه اصلا خلصنا وروحنا وانا لحد الآن مش مصدقه نفسي.
_ مش هتقوليلي مين المميز اللي لبستي عشانه الفستان 
كنت واقفه ولقيته جاي عليا وبعدها وقف قصادي 
_ يعني انت متعرفش!
ابتسم _ انتي قولتيلي في مره لو اللي بحبها حبتني وقتها هعمل ايه
_ اه قولتلي هتكون حصلت على اكبر كنز في حياتك 
_ اهو دلوقتي معايا اكبر الكنز اللي في حياتي
_ بس انا موافقتش 
اتكلم بخبث_ بس انا مش بقول عليكي انتي 
بصتله بدهشه_ امال بتقول على