روايه جميله بقلم ايمان صلاح

انجزي وقوليلي انتي فين 
_ استنى هبعتلك اللوكيشن بس بسرعه عشان عايزين ناكل لو هتاكل معانا 
قفلت معاه وعرفته المكان وبعدها فاطمه بصتلي 
_ هو مين ده
_ ده وائل ابن عمي 
_ اه تصدقي مشفتهوش هو ومحمد من زمان 
ضحكت_ قولي الحمد لله انك مشفتهوش 
_ ايه ده ليه يعني
_ يستي بهزر وبعدين مستعجله ليه دلوقتي تشوفيه 
بعدها لقيت وائل دخل وسلم على فاطمه وقعد 
_ ها هتاكلوا ايه 
_ انت شوف المنيو واختار احنا اختارنا 
_ طيب انتوا اختارتوا ايه 
_ كريب طبعا مش عايزه كلام 
_تمام وانا هختار زيكم 
طلب الاكل وبعدها بصتله 
_ انت جبت رقمي منين 
_ خدته من نوال اختي 
_ ومعرفتش منها اني مروحتش وعرفت مني سبحان الله 
_ بطلي استظراف انا اخدته منها بعد ما سيبتك الصبح فهمتي 
_ امممم فهمت
_ طيب هتطلبوا حاجه تاني غير الكريب 
هزيت راسي بهدوء_ لا هو كريب بس 
لسه هيتكلم لقيت موبايلي بيرن فرديت عليه
_ الوو تامر
_ اهلا يا ست هانم خطيبتي اللي مصدقت خلصت مني 
_ ايه الكلام ده 
_ مش انتي
متصلتيش عليا 
_ هو المفروض مين يتصل يا تامر مش قولتلي انك مشغول المفروض تتصل 
_ ومتصلتيش انتي ليه 
_ عشان انت مشغول 
_ وده من امتى مش انتي دايما بتتصلي 
_يعني عشان دايما بتصل لازم اتصل على طول مش المفروض تتصل من نفسك 
_ لا انتي تتصلي 
_ وانا مش هتصل تاني غير لما تتصل انت 
رد بغيظ _ طيب هنشوف 
قفل الموبيل في وشي وانا بصيت للموبيل پصدمه هو ده اخرتها انا مش عارفه ماما بتجبرني عليه ليه ده إنسان بارد والله 
_ ايه يا بنتي بتبصي الموبيل كده ليه هو ده خطيبك اللي كان بيكلمك 
_ اه هو يستي
_ طيب وانتي متضايقه ليه 
_ سيبك منه الكريب وصل يلا ناكل انا جعانه 
ايمان_صالح
كنت بتكلم وانا بحاول ابتسم وبدأت اكل وكل الوقت ده وائل كان بيبصلي بس مش فاهمه فيه ايه! 
بعد ما خلصنا اكل وائل حاسب وبعدها وصلنا فاطمه وهو في الطريق وقف على جنب
_ كده احنا وصلنا صاحبتك اقدر اعرف انتي متضايقه ليه 
_ ها مين قالك اني متضايقه بقى 
_ وشك باين عليه هو انتي حد قالك اني

هصدق الابتسامه اللي بترسميها على وشك دي!
_ على فكره انا كويسه بس انا شده شوية مع تامر بس 
_ اوكي
رجع يسوق ببرود وساكت تماما بعدها العربية وقفت مره واحده فبصتله بذهول
_ هو فيه ايه
_ مش عارف تقريبا العربية فيها حاجه 
نزل يشوف العربية فيها ايه وانا نزلت وراه 
_ فيه ايه
اتنهد بضيق _ العربية عطلت ومش راضيه تمشي 
_ طيب والحل
_ هروح ادور على ميكانيكي يشغلها 
_ طيب خدني معاك 
_ اكيد مش هسيبك لوحدك يعني تعالي معايا 
مشينا شويه ولقينا مكان مكتوب عليه ميكانيكي وائل كلمه وبعدها رجعنا وراه العربيه 
_ اتفضلوا اقعدوا لحد ما اخلصها عشان هتاخد وقت
بدأ يصلح فيها وانا قعدت ووائل راح السوبر ماركت ورجع ومد أيده بعصير وهوهوز 
_ اتفضلي
_ ايه ده
_ انا عارف انك بتحبيهم يلا حتى نضيع وقت 
قعد جنبي نشرب عصير بعدها بصلي وسأل 
_ هو انا ينفع اقولك حاجه 
_ انا قولت برضوا العصير ده وراه حاجه 
_ ده انتي رخمه
ضحكت _ خلاص خلاص قول 
_ هو انتي ليه على طول لبسه نطلون وتشيرتات ليه مش فساتين وكده 
_ عشان أنا مش بلبس الفساتين غير لشخص مميز بس 
سكت وانا سكت وبعدها بصتله 
_ وائل ممكن أسألك سؤال 
_ انتي بتردهالي 
ضحكت _ اها ينفع
ابتسم _ اكيد اتفضلي 
_ هو انت حبيت قبل كده 
رد باستغراب_ ليه يعني 
_يعني انت في السن ده معقول محبتش قبل كده 
_ ليه انا كبرت اوي كده 
_ لا مش قصدي قصدي يعني الإنسان حتى في سن مراهقه بيحب وبيعجب وانت عديت ال 25 معقول محبتش قبل كده 
قصدي يعني 
ضحك _ انا فاهم تقصدي ايه 
_ طيب ايه
ايمان_صالح
بصلي واتنهد _ حبيت قبل كده واحده وعشقتها كمان 
مش عارفه حسيت پخوف وانا بسأله _ ووهي فين 
_ موجوده
_ ولسه بتحبها
هز راسه بيأس _ للاسف اها
_ طيب م مخطبتهاش ليه 
_ عارفه احساس لما تحبي شخص والشخص ده بعيد زي النجوم كده هو ده احساسي 
_ برضوا مخطبتهاش ليه 
_ الظروف اكبر مني ومنها 
_ هي تعرف انك بتحبها 
_ مش عارف هي تعرف ولا لا بس ممكن تكون حست
_ طيب ولو عرفت أو حبتك هتعمل ايه 
ابتسم بشرود _ وقتها اكون حصلت على اكبر كنز في حياتي كلها
لوهله حسيت بضيق أو غيره مش عارفه سببها هو انا ليه ملقتش حب زي حب وائل
ده ليه ماما تجبرني اتخطب لواحد مش بحبه ولا يحبني 
_ وانتي على كده بتحبي خطيبك!
بصتله شوية وابتسمت بۏجع 
_ هتفرق
_ عادي بندردش مع بعض يعني 
_ تعرف أن عمر ما كان فيه بينا الكلام ده 
بصلي بعدم فهم_ كلام ايه 
_ الحب وكلام المخطوبين يعني 
_ ايه ده ازاي
_ مكنش فيه خالص احنا مش مخطوبين عن