عمى القلوب
مالك كدة!! شكلك مش عاجبني
تعبان شوية بس ومحتاج أرتاح.
طب تعالي يا حبيبي.
ومسكت إيدي ودخلت أوضتي وفردت ضهري علي السرير وبعد ما خرجت وقفلت الباب وراها...
لاقيت نفسي بعيط زي طفل أمه سابته ومشيت بعيط علي حياتي واللي بيحصل فيها..
علي ناس جميلة من جوا بس الناس شيفاها وحشة علشان شكلها مش مقبول.
علي ناس قلوبها سودا بس أول ما تشوفهم تلاقي وشهم أبيض وبيضحكوا.
وفجأة لاقيت نفسي بقول
الحمد لله يارب علي نعمة العمي اللي خلتني أشوف الناس علي حقيقتها.
الحمد لله علي الضلمة اللي أنا عايش فيها اللي خلتني أفرق بين الأبيض والأسود.
شكرا ليك يا رب إنك خليتني أعمي شكرا ليك يا رب إني خليتني أعمي.
بټعيط ليه بس يا حبيبي اهدي بس وقولي مالك.
في اللحظة دي حسيت اني طفل صغير حاسس بالأمان جوا حضڼ أمه وقولتلها علي كل اللي حصل بالتفصيل.
أنت والله أجمل وأحن واحد في الدنيا سيبك منه والحمد لله إن ربنا بينلك معدنه الأصلي وشوفته علي حقيقته الكدابة.
قولي يا قلب بنتك.
بما إن مافيش أمل في عينيا.
أنا عاوز ادي الفلوس اللي كنت شايلهم للعملية لوالدة جميلة تعمل بيهم هي العملية.
دول غلابة ومالهاش حد في الدنيا غير والدتها ولازم نساعدهم وربنا وقعها في حياتي علشان أقف جمبها وزي ما انتي شايفة انا حلمت بيها قبل ما أشوفها وانتي سمعتيني.
ردي عليا يا بنتي!
والرد دبحني لما قالت
أنا مش مصدقاك يابا.
مش مصدقاني
حاسة إنك عملت كل ده النهاردة وانت علي السرير وقلت اسمها علشان لما تحكيلي اصدقك وأقولك ماشي إديها الفلوس.
من الصدمة لساني كان عاجز عن الكلام
انتي اللي بتقولي كدة يابنتي
أيوة أنا يا بابا الفلوس دي أنت محتاجها وده شقا عمرك ماينفعش تضيعه بسهولة كدة.
دي تجارة مع ربنا وحاجة هنساعد بيها غيرنا في الدنيا علشان ربنا يساعدنا يوم مانكون واقفين قدامه.
لو عملت كدة يا بابا اعتبرني لا انا بنتك ولا تعرفني.
لإنك هتضيع فرصتك الوحيدة بكل سهولة وأنا مش هقبل بكدة.
هو انا عمري حرمتك من حاجة
بديكي اللي نفسك فيه وعمري ما حسستك إن حد أحسن منك.
جبتلك أحسن جهاز علشان لما يجيلك ابن الحلال علمتك وكبرتك وضيعت عمري كله علشانك من بعد أمك الله يرحمها.
علشان أنت في وهم وشكل صاحبك كان عنده حق لما قالك إنك مابقتش تعرف تفرق بين الناس وبين اللي يستاهل المساعدة واللي مايستاهلش.
وطيت راسي وبصيت للأرض وقلت
حتي أنتي كمان بقيتي مابتشوفيش زيه
لا يابا..
أنت اللي مابتشوفش مش إحنا.
أنت اللي عاوز تضيعنا كلنا بسببك فماتعيش دور الواعظ والمظلوم لإنك فعلا بتتعامل مع واحدة ماشوفتهاش وعاوز تديها كل حاجة بسهولة كدة.
أنت كلام الدكتور شكله أثر عليك يا بابا أنا هسيبك ترتاح دلوقتي يمكن ترجع لعقلك وتشوف الناس علي حقيقتها زي زمان.
زي زمان
أنا زمان ماكنتش بشوف ودلوقتي بس بدأت أشوف.
بعد شوية سكوت لاقيتها سابتني وخرجت تقريبا ده كان أصعب يوم عدا عليا في حياتي اليوم عدا كإنه سنة وأول ما سمعت صوت أدان الفجر قومت إتوضيت وصليت ودعيت ربنا أجمل دعوة دعيتها في حياتي وانا ساجد وبعد ما خلصت لبست هدومي وأخدت شنطة فيها تحويشة عمري ونزلت ركبت تاكسي وروحت المستشفي وخليت واحد معدي يقعدني في نفس المكان اللي كنت قاعد في امبارح.
وفضلت مستني جميلة.
استنيت ساعات طويلة أوي لحد ما قربت ايأس إنها جاية أصلا.
وفجأة....
صاحبك ده وحش أوي يا عمو اتفضل الخمسة جنية بتاعتك اهي والوردة هدية مني ليك علشان أنا حبيتك لإنك قلت عليا أجمل بنت شوفتها في حياتك برغم إن كل الناس شايفاني وحشة وصحابي كمان شايفيني كدة.
تعرفي إني بحب الورد أوي يا جميلة
بجد!
والله بجد.
انتي بتجيبيه منين
زارعاه عندنا في البيت وبشربه ماية كل يوم وبستناه يكبر وأبيعه.
طب
