اسكريبت سبت خطيبي بقلم ايمان شلبي
وانا بسيب المعلقه وبرد بنبره مهزوزه
ل لا عادي مش مټخانقين ولا حاجه ا انا بس مشغوله الايام ديه عشان الامتحانات وكده فمش باخد بالي من الفون
قفلت عينيها نص قفله وهي بترفع حاجبها الشمال
يعني انتي عايزه تقنعيني انك بتذاكري ٢٤ ساعه
في ايه ياتمارا حصل حاجه ما بينك انتي وهو ومش عايزه تقوليلي
هزيت راسي بنفي
قولت كلامي ودخلت اوضتي وانا مقرره أكلمه وانهي الموضوع وبالفعل حصل
انتهي الموضوع وقلبي وانا
صحيح الكلام اللي بيقوله ثائر ده يا تمارا !
بلعت ريقي وانا بمسح دموعي بسرعه وببص لماما اللي اقټحمت اوضتي فجأه
اتعدلت في قعدتي ورديت بصوت مبحوح
كلام ايه
قربت مني وقعدت علي طرف السرير
اخدت نفس عميق وانا ببص قدامي وبرد بهدوء
اه
خبطت علي صدرها وهي بتشهق
هو ايه اللي اه كتك اوووه
انتي اټجننتي يابت ازاي تاخدي قرار زي ده من غير ما ترجعيلنا
اييييه هي سايبه ولا سايبه
معندكيش رجاله ولا ايه
عيوني لمعت بالدموع وانا برد عليها پخوف
ردت بسخريه
كنتي هتقوليلي لا كتر الف خيرك
مسكتني من دراعي وهي بتهزني بعصبيه
كنتي هتقوليلي بعد ايه ياختي ما الراجل قاعد برا مع أبوكي بيقوله انا جاي اخد شبكتي زي ما تمارا طلبت مني!
ابوكي قاعد برا مش فاهم حاجه خلتينا في نص هدومنا واحنا قاعدين قدام الراجل وبنسأله ايه اللي حصل !
وانا بحاول اشيل ايديها من علي دراعي
ماما ارجوكي ابعدي ايدك بتوجعيني
غرزت ظوافرها في دراعي وهي بتهزني اكتر وبتجز علي أسنانها
انطقي ايه اللي حصل عايزه تسيبي ثائر ليه
بلعت ريقي بصعوبه والصداع بدأ يقتحمني بشړاسه ...
ع عشان ع عشان انا مش بحبه مش متخيله حياتي معاه مش هو ده الشخص اللي كنت طول عمري بتمناه ولا هو ده الشخص اللي انا شيفاه اب لعيالي انا مش عايزاه ياماما مش بحبه ارجوكي افهميني ليه اكمل مع واحد قلبي مش بيحبه واعيش طول العمر مش مبسوطه!
مش بتحبيه !
ازاي يعني مش بتحبيه انتي مستوعبه كلامك و ولا بتضحكي عليا ولا ايه
ازاي مش بتحبيه اومال مين اللي كانت بټعيط ليل مع نهار وتصلي وتدعي عشان ابوها يوافق علي الخطوبه
مين اللي كانت لما تشوفه تطير من الفرحه اومال مين اللى من اسبوع واحد بس لسه كانت بتقولي انا عمري في حياتي ما حبيت ولا هحب حد زي ثائر انا لو بعدت عنه ثانيه ممكن اموت !!!!
انتي عايزه تجننيني ازاي مش بتحبيه
حطيت وشي بين ايديا وانا بعيط بحرقه وصوت مكتوم
انا تعبانه اوي ياماما تعبانه اوي ومش قادره اخبي اكتر من كده
ردت بقلق
تعبانه مالك فيكي ايه اتكلمي مالك
اترميت في حضنها وانا بهمس بۏجع
انا عندي کانسر
ك کانسر
بعدت عنها وانا ببص علي الباب اللي دخل منه بابا وثائر من وراه
بصيتلهم پصدمه وفجأه اڼفجرت في الدموع وانا بحط وشي في المخده وبقول كلام مش مفهوم
مكنتش عايزه حد يعرف مكنتش عايزاكم تعرفوا حاجه
مش عايزه اودع حد مش بحب الوداع مش بحب نظرات الشفقة مش عايزاكم تعرفوا امشوا كلكم أمشوا مش عايزة حد مش عايزه اشوف حد عايزه اموت لوحدي مش عايزه اودع حد مش بحب الوداع مش بحبه مش عايزه عشان خاطري أمشوا سيبوني هنا وامشوا سيبوني اموت لوحدي
سمعت صوت ماما وهي
