اسكريبت بقلم سولييه نصار
انت في الصفحة 1 من 3 صفحات
سكريبت
لو عايزني أرضي عليك واكتبلك ثروتي وترجع تعيش معانا... طلقها!
سمعت حماتي بتقول كده بكل جبروت... بصيت لمصطفي وأنا ببكي... أكيد مصطفي مش هيخوني... أكيد هيختارني أنا... أنا حامل بإبنه... اطمنت وانا ببص لمصطفي اللي سكت لكن فجأة حسيت مصطفي اتوتر وقال
انتي طالق يا هاجر
دموعي نزلت وانا ببصله.. ازاي يعمل فيا كده...
مصطفي أنت بتهزر صح .. حرام عليك ترميني كده... أنا حامل بإبنك.
ضحكت حماتي بتريقة وقالت
للدرجادي بت الغازية ضحكت عليك يا مصطفي! أكيد هي حملت من واحد تاني وجاية تلبس الواد فيك... ما هي رخيصة زي أمها.... قربت منها وزعقت
متحبيش سيرة أمي... حرام عليكي دي مېتة
أنا أمي أشرف منك ومن عيلتك يا حي....
متنسيش أنك بتكلمي امي.
أمك بتغلط في أمي يا مصطفي.. أمي اللي تابت وماټت... ما تقولها هي تحترم علي الأقل أنها مېتة.
ادي اللي بناخده من بنات الراقصات قولتلك يا بني دي أمرك تقضي معاها ليلة حلوة لكن تتجوزها لا... أهي حامل بطفل الله أعلم ابن مين.... حامل وأنت عقيم أصلا ومبتخلفش.
بصلي مصطفي وقال
لما قولتيلي أنك حامل مرضتش اتكلم واقولك أن أنا عقيم... مرضتش احاسبك رغم أن واحد غيري أقل حاجة ممكن يعملها أنه يقتلك... بس أنا عاذرك بسبب جينات الست الوالدة
مكنتش مصدقة أن مصطفي بالذات يشكك في أخلاقي.... دموعي نزلت لوحدها... حسيت أن لساني مش قادر يتكلم... كمل مصطفي وقال
اتدخلت أمه وقالتبقلم سولييه نصار
آه ياريت أصل حرام يطلع الابن زي أمه ابن حرام....
مستحملتش كلامها وروحت اهجم عليها... بس مصطفي مسكني وقال
كفاية كده يا هاجر ويالا اطلعي.
زقيته وقولت
لا مش هطلع... ده ابنك يا مصطفي والله العظيم ابنك... خلينا نروح الدكتور ونعيد التحاليل تاني... أنا مستعد اعمل تحليل DNA للبيبي ونتأكد كمان.
انا عيدت التحاليل أكتر من مرة في معمل موثوق والنتيجة هي هي أنا عقيم...
بس
شدني من أيدي وقال
اسمعي يا بت انتي أنا لحد دلوقتي متمالك أعصابي.. مش كفاية أنك خاېنة وعايزة تلبسيني واحد مش أبني اصلا... احمدي ربنا أنك هتطلعي من هنا علي رجلك
.....
فتحت عيني وأنا في المستشفي.... قربت مني الممرضة
