قلبي ولكن بقلم ماهي احمد

اطفال مالهمش اي ذنب انا لو مشيت من هنا محدش هيرجعلهم تاني 
غيث ومين قالك كده 
ومره واحده الباب اتقفل عليهم من غير ما يحسوا غيث من عصبيته من صبا مكانش شايف هو دخل ايه بيبص لقي نفسه في تلاجه ودرجه الحراره صفر تقريبا 
سما بتبص حواليها لاقيت لحمه وسمك مجمدين واكل كله متجمد 
غيث عجبك كده شوفتي وصلتينا لايه 
صبا انا مش قولتلك تيجي ورايا 
غيث حاول يفتح الباب بتاع التلاجه معرفش بيتفتح من بره بس 
صبا هنعمل ايه دلوقتي الدنيا هنا ساقعه اوي 
غيث اكيد ساقعه احنا في فريزر ياهانم 
صبا بقولك ايه ماتشخطش فيا 
غيث انا اول مره اطلع في حياتي مهمه بالشكل ده 
وراح اخد نفس وطلعه وحاول يعلي ثباته الانفعالي 
صبا ابتدت تسقع وشفايفها تزرق وبقت تفرك بأيديها وبقت مېته من السقعه وبقت تتكلم وهي بتترعش 
صبا ا.. اا .. انا .. اس .. اسفه ياغيث 
غيث اول ما شافها كده قلع الجاكيت بتاعه وحطه علي كتفها وقلها 
غيث ماتقلقيش

________________________________________
هنلاقي حل 
صبا قعدت في ركن وبقت بتكتك حرفيا 
غيث كان بيحاول يجيب اي حاجه عشان تفتح معاه الباب بس بعد محاولات كتير فشل والساقعه بقت تاكل في جسمه وابتدت قوته تضعف 
صبا احنا .. احنا .. كده .. خ.. خلاص .. هن .. هنمووووت من الساقعه 
غيث قربي .. قربي ياصبا مني 
غيث قعد جنب صبا وحط ايده عليها وبقي يدفيها ويحاول يحرك ايده علي كتفها عشان يحسسها بالدفا 
صبا انا عارفه اني زهقتك مني في مهمتك لو كنت سمعت كلامك مكانش حصل كل ده انا .. انا .. اسفه ياغيث 
غيث انتوا كده ناقصات عقل ودين 
صبا لاء انا كان صعبان عليا الاطفال دي انا شوفت طفل ماټ قدامي قبل كده وانا اللي مۏته دوستوا بعربيتي ومن وقتها وانا حياتي اتغيرت خالص مش قادره اشوف الاطفاال ومعملهمش حاجه 
غيث اوقات القدر بيفرض علينا حاجات ڠصب عننا ياصبا ومره واحده غيث بيحاول يحط ايده في جيبه بالعافيه من كتر التلج ايده اتجمدت بيبص لقي ولاعه غيث طلعها بسرعه وقال لصبا 
غيث صبا انا لاقيت ولاعه في جيبي 
صبا بجد 
غيث شيلي نقابك بسرعه 
صبا ايوه بس 
غيث صبا مافيش وقت 
صبا بصيت لغيث وهو كمان بص في عنيها وابتسمت وراحت رفعت نقابها كانت بتحرك ايدها بالعافيه 
واول ما خلعت النقاب غيث بصلها وتنح من جمالها قد ايه جميله وملامحها رقيقه غيث بصلها وبقي ساكت ماتكلمش صبا وشها بقي احمررررر اوي واتكسفت وحطت وشها في الارض هو برضوا لسه باصصلها راحت صبا قالتله 
صبا غيث .. غيث ..روحت فين 
بقلمي مآآهي آآحمد
غيث اه .. انا .. انا هنا 
طيب مش هتشغل الولاعه 
غيث وقتها شال التي شيرت الاسود بتاعه النص كم بالراحه جدا لانه مش قادر يحرك جسمه من كتر الساقعه وراح حطه علي النقاب صبا بسرعه ودت وشها الناحيه التانيه وابتدي غيث يحاول يولع الولاعه بس صباعه كان خلاص وقف واتجمد مش قادر يدوس علي الولاعه عشان تطلع الڼار 
غيث حاول بس مش عارف 
صبا قربت شفايفها من صوباع غيث وحطت صوباعه في بوقها وابتدت تخلي صباعه يتحرك مره تانيه وتضغط عليه 
غيث بصلها كده وابتسم ومره واحده قلها 
غيث خلاص كفايه حسيت بصباعي 
وابتدي يولع مره التانيه الولاعه راحت اشتغلت ورمي الولاعه علي النقاب والتي شيرت والڼار ابتدت تدفيهم شويه غيث حط دراعه حوالين صبا وبقي يدفيها حوالين الڼار بس للاسف الڼار اكلت النقاب والتي شيرت بسرعه راحت صبا خلعت الجاكيت بتاع غيث من علي جسمها وخلعت الخمار اللي كانت لبساه وبقت بشعرها قدامه ورمتهم علي الڼار وساعتها حسوا بالدفا وابتدوا يقربوا من الڼار اكتر الڼار عليت وطلع ان في جهاز انذار في السقف اول ما الدخان طلع عليه جهاز الانذار صفر وابتدت العصابه تسمع صوت الجهاز وجريوا بسرعه علي التلاجه وفتحوا الباب لقوا صبا وغيث 
زعيمهم انتوا هنا واحنا قالبين عليكم السفينه وقتها غيث مكانش قادر يتحرك مره واحده حد ضربه علي راسه اغم عليه ماصحيش الا وهو متربط من ايديه ورجليه وحد بيحدف عليه جردل مايه
قلبي ولكن 
الجزء التالت 
البيدج الاصليه حكآآيآآت مآآهى 
بقلمي مآآهي آآحمد
الزعيم بتاعهم جاب جردل مايه وحدفوا في وش غيث ..غيث وقتها فاق بسرعه بيبص لقي صبا قدامه ومتربطه هي كمان من ايديها جنب غيث 
الزعيم بتاعهم صباحيه مباركه ياعروسه اخيرا فوقتي انا معرفش ان الضربه اثرت علي دماغك اوي كده .. وبعدين السلسه اللي في رقبتك دي بتدل علي انك من الفرقه ٩٩٩ وانا بسمع ان الفرقه دي ناس جامدين بيقرقشوا الصخر مش ضربه زي دي تخليهم خرقه كده قدامنا 
صبا ردت بكل عفويه بسرعه وقالتله