ملاكي البرئ
حركت براء راسها بايجابية وسابت منال ودخلت اوضتها وفي نفس الوقت كان خارج جاسر وندي اللي باين عليها الضيق لان جاسر زعقلها بسبب براء بصتلهم منال بضيق ووجهت كلامها لجاسر :
بعد ما توصل خطيبتك اول الشارع يا جاسر ترجع بسرعة عشان عايزاك في موضوع مهم
جاسر ابتسم ورد بهدوء وهو بيشاور علي ندي :
متقلقيش انا هوصل ندي وارجع بسرعة عشان اوصل براء لبيت صحبتها متخليهاش تمشي قبل ما ارجع
نفخت ندي بضيق وهي بتبص للسقف فبصتلها منال ولوت وشها بسخرية وهي بتقول :
لا ملوش لزوم احسن خطيبتك شكلها مش قابلة الموضوع ده واحنا يهمنا راحتها
قبل ما ندي ترد كان سبقها جاسر وهو بيرد بحسم واصرار :
الموضوع ده مفهوش نقاش وندي عارفة كدة كويس ومتقبلاه ولا ايه يا ندي ؟
ندي بصت لجاسر وردت بضيق وهي بتبتسم غصــب عنها :
اكيد يا حبيبي يلا بقي عشان هتأخر
مشيت ندي بعد ما قالت كلامها ووراها جاسر ومنال اول ما خرجو من باب الشقة نفخت بضيق وهي بتقول بغيـظ :
اوووف بت رخمة انا مش عارفه هو مستحملك ازاي
كانت قاعدة براء عالكنبة في الصالة وهي نعسانة عالكرسي بلبس الخروج بعد ما اتأخر عليها جاسر وهي فضلت مستنياه دخل جاسر واول ما شافها لعڼ نفسه عشان اتأخر عليها اوي كدة وبقي مش عارف هي رد فعلها ايه وكله بسبب ندي اللي اتعمدت تعمل نفسها تعبانة وانها اغمي عليها عشان جاسر يفضل معاها وتخليه ميرجعش لبراء لانها عارفة انه هيوديها مشوارها قرب جاسر من براء ووطي قدامها وقالها بهمس :
براء حبيبتي
فتحت براء عنيها بلهفة وبعدين بصت حواليها واستنبهت للموقف فبصت للساعة وبعدين قامت بتعب ووقتها جاسر قالها بسرعة :
