روايه بقلم رانيا ابوخديجه
نايم على كنبة قدام التليفزيون المقفول هو كمان هينام هنا !!!
مشيت شوية وقربت منه وبصيت في وشة اول مرة اشوف احمد بالقرب دة كان النهاردة. هو اصلا مجاش عندنا في الكومباوند غير من قريب قوي ياااه لسه دلوقتي حالا مكتشفه اني تقريبا معرفش عنة حاجة
بصيت في وشة كتير قوي حاسه اني اول مرة أشوفه .. اممم اول مرة أخد بالي انه عسول كدة مااشي ماعلينا اما ادخل أنام بقى احسن يصحى ويلاقيني قاعدة متنحالة كدة يتخض .
فتحت عيني اول ما دخلت الاوضة فضلت نايم عالكنبة طول الليل بس عيني مغمضتش مش عارف انا غلط اني وافقتها ولا ايه كل اللي أعرفه اني ما صدقتش ان الانسة سيرين الاستاذة اللي دايما كنت ببصلها على انها حتة من السما ممكن تبقى مراتي وفعلا هي دلوقتي معايا وفي شقتي ونايمة على سريري .. ومكتوبة على اسمي مش عارف افرح ان حلم الليالي اللي فاتت من يوم ما شوفتها اول يوم ليا شغل في الكومباوند وانا ومش قادر اتخطى التفكير فيها وعرفت بعدين من زمايلي انها عايشة لواحدها فعلا بعد ۏفاة والدها من اكتر من سنة وانا كل ما أشوفها داخلة وخارجه من الكومباوند ببقى عايز اكلمها واطمن عليها خصوصا انها معظم الوقت كنت اشوفها حزينة وباين عليها الوحدة والهم ببقى ھموت وأكلمها واقولها على فكرة احنا معاكي هنا انتي مش لواحدك .
صحيت على مكالمة من زميلي بيقولي اني اتأخر عالشغل
قومت بسرعة ودخلت الحمام ووقفت قدام الاوضة شويه المفروض ادخل اجيب لبسي من جوا مانا كل حاجتي في الأوضة .
خبط عالباب خبطتين ومسمعتش صوت قلقت فتحت الباب ودخلت ..
ايه دة الله !!!!! ابتسمت اول ما شفتها نايمة كدة مكاني كانت رايحة في النوم ونايمة براحتها لأ براحتها قوي يعني وشعرها الناعم الطويل دة مغرق وشها كانت زي القمر كالعادة لقيت نفسي بقرب منها وفعلا قعدت عالسرير جنبها ومديت ايدي ارفع الحرير دة عن وشها ابتسامتي زادت انا فعلا فرحان قوي حاسس ان ربنا بيحبني قوي كدة عشان يخترني ليها
قمت بسرعه اول ما فتحت عنيها وبصتلي بعيون واسعة كدة يا ربي على جمالها وهي صاحية من النوم هو انتي علطوول حلوة كدة!!!
قربت من الدولاب اطلع هدومي
_ صباح الخير . انت بتعمل ايه !
_ هلبس عشان اروح الشغل .
قامت من عالسرير
_ معقولة هتنزل الشغل النهاردة.
_ انا مقدرش أغيب من الشغل انتي عارفه اني مبقليش كتير فيه .
_ متقلقيش مش هتأخر عليكي.
طب و بعدين متجوزين دلوقتي بقالنا خمس ايام والأستاذ يصحى يروح الشغل و بقى متعمد يرجع متأخر وطبعا ينام عشان يصحى بدري يروح شغلة انا مش فاهمه هو بيعمل كدة ليه
قومت وقفت قدام المرايا يمكن يكون فيا حاجه وحشه او مش عجباه اللي يشوفه وهو بيبصلي كل مرة يشوفني فيها ميشوفش تجاهلو دة ابدا .
نزلت بسرعة وروحت اشتريت حاجات كان لازم اجيبها قبل الجواز أصلا قدامة دلوقتي ساعة تقريبا على ما ييجي لازم الحق اجهز بسرعه.
________________________________________
ايه دة صوت الباب اللي انا سمعته دة ولا ايه دورت في الدلاب بسرعة لدرجة اني كنت هقع على حاجة . وفاجأة.
_ سلام عل.
وقفت قدامة بحاول اداري كسوفي وخجلي وبعدين شجعت نفسي مانا لازم افك من الكسوف دة مفيش وقت اضيعة فيه.
قربت منة ورديت السلام بابتسامه
_ حمدالله على سلامتك.
_ ال الله يسلمك.
_ تحب تتعشى ولا اكلت بره كالعادة
سكت كتير تقريبا مسمعنيش أصلا مفيش حاجه بتتحرك فيه غير عنيه اللي جابتني من اولي لأخري بزهول أقرب للصدمة
قربت منه ورفعت راسي وبصتلة واتكلمت بصوت هادي ما أنا جاتني نيلة معرفش اتكلم بصوت اڠراء
_ احمد ممكن تنام هنا النهاردة.
برضه بيبصلي وهو ساكت
