وانا مالى يا بابا اخوك بقلم ايمان صالح
بنت عمي فقولت استفاد منك بحاجه
ابتسمت بسخريه _ ودلوقتي افتكرت انك ابن عمي لا انا مش موافقه
_خليكي جادعه يا هاجر واقفي جنبي
ابتسمت باستفزاز_ انا مش جدعه خالص يا اخويا هوينا
ابتسم بتوسل_بالله عليكي اقفي جنبي انا عايز اوصلها ب اي طريقه
قومت من مكاني بضيق _ اي طريقه بعيد عني شوفلك طريقه غيري
_ومين قالك اني جادعه بقى يلا يا بابا انا عندي مذاكره
بصلي بضيق وخرج برا ورزع الباب وراه مالي انا ومال الحوارات دي كلها ما يحب بعيد عني !
تاني يوم كنت رايحه الجامعه لقيت سراج في وشي
_صباح الخير يا هاجر
_صباح النور خير
_ مش انتي رايحه الجامعه هوصلك
بصتله بشك _ وانت من امتى بقى بتوصلني ل جامعه
_انت ليه الأيام دي افتكرت انك ابن عمي وبعدين شكرا مش محتاجه انك توصلني
وقفت ميكروباص وركبت وهو ركب قدام طلعت حاسبت ليا وهو حاسب لنفسه حتى مهتمش يدفعلي الاجره طول عمره معفن من الرجوله انه يقولي لا متحسبيش بس هو بخيل انا عارفه
نزلت من الميكروباص ووقفت قدام الجامعه وهو جه وقف قدامي
_يادي النيله يا ابني فوكك مني بقى
_ يا هاجر انا عايزك تصحبيها بجد البت معاكي في إعلام
_ وهو كل اللي في إعلام هيكونوا معايا يا ابني افهم ممكن تكون في مدرج تاني ومحاضرتها غيري
_ لا محاضرتها معاكي انا سئلت
_سئلت مين
_ملكيش دعوه بقى يلا اتعرفي عليها
_امشي طيب وبطل زن وانا لو كده هبقى اتعرف عليها لما تخطبها إن شاء الله
_ اللي بيحب حد بيتقدمله على طول من غير لف و دوران
هز راسه بضيق _ انتي هتديني محاضرات في الأخلاق يلا روحي محاضرتك وانا هتصرف
بصتله بقرف ودخلت انسان بارد بجد دخلت حضرت محاضراتي ووقتها قبلت نهال صاحبتي
_ ازيك يا نهال عامله ايه
ابتسمت_الحمدلله وحشتيني يا بنتي كنتي فين الفتره الفاتت
_ كنت باخد دورات تدريبيه
بصتلها بعدم فين _ دورات ايه
اتكلمت بتوضيح_ ازاي تدربي تكوني مذيعه واعلاميه وكده
ابتسمت_ااه انا كمان محتاجه الدوره دي جدا
_خلاص تعالي معايا انا لسه هبدا الفتره الفاتت كنت بدور على مكان كويس ولقيت واشتركت تعالي معايا بعد المحاضره نسجل اسمك وتحضري معايا
_ ازيك يا مستر حازم اخبار حضرتك ايه
_الحمدلله يا نهال اخبارك ايه
_الحمدلله يا مستر ده بقى مستر حازم اللي هيدربنا ودي بقى هاجر صاحبتي
بصتله شوية بتركيز حاسه اني
شوفته قبل كده وبعدين بصلي وابتسم
_ ازيك يا هاجر انتي في سنه تانيه مع نهال صح
ابتسمت _ الحمدلله
