وانا مالى يا بابا اخوك بقلم ايمان صالح
من زمان
ابتسمت وقعدت جنبي وبدانا نتعرف على بعض باين عليها شخصيه كويسه خلصنا المحاضره وروحنا التدريب وعرفت انها جايه تتدرب معانا هي و ملك دخلنا وقاعدنا وبعدها مستر حازم شاورلها راحتله وبعدها قعدت جنبي وابتسمت ف ملك سألتها
_ فيه حاجه ولا ايه
بسمله ضحكت _ كان بيقولي جعان وبعد ما تخلص أطلع بسرعه عشان نروح
بصتلي بدهشه _ دي سندوتشات جاهزه جبتيها منين
_ لما وقفتي مع ملك روحت جبتها روحي اديهالوا
اتكلمت بخبث _ طيب ما تروحي انتي عشان مش هيوافق لو روحتله انا ولحد ما اتكلم انا و ملك عشان عايزاها ممكن
هزيت راسي وروحت عنده جه فرصه اني ارد حق المواصلات و الشيبسي قربت منه وابتسمت ف ابتسم
ابتسمت _ انا كده كده مش بحب الألقاب ف عادي يا مستر حازم
_ انتي بتقولي من غير القاب قوليلي يا حازم
_ لا طبعا حضرتك مستر حازم المهم اتفضل
_ ايه ده
_ دي سندوتشات صبر نفسك بيها لحد ما تروح
_ ومين قالك اني عايز اكل
_ عادي يعني باين عليك مأكلتش المهم اتفضل
_ انا كلت صدقني يلا اتفضل كل كويس وانا هرجع بعد اذنك
سبته ومشيت وروحت عندهم قعدت وعطتهم سندوتشات وكلنا بسرعه قبل التدريب خلصنا وطلعنا وهو وقف شكرني وبعدها روحت ودخلت بدلت هدومي وقعدت بعدها الباب خبط ودخل سراج مكشر
_ انتي روحتي تدريب النهارده
بصتلي بشك _ اااه مين قالك
زعقت_ وانت تعرف ليه اصلا انا قايله ل عمي
_ كذابه انتي مقولتيش
_ ملكش دعوه تصدق متصدقش براحتك اصلا ملك اللي قالتلك صح
_ملكيش دعوه عرفت ازاي وتروحي ليه اصلا من غير ما تعرفيني وتروحي تديله سندوتشات بتاع ايه
اتكلمت بسخريه _ وهي لحقت تقولك ااه انا اديته سندوتشات عشان هو دفع تمن المواصلات وكمان كان معاه كيس شيبسي وعطاه ل ملك
_ ملكش دعوه يا اخي أصحاب ولا لا خليك في حالك وسبني في حالي
اتعصب وطلع برا وانا قعدت انسان غريب ومستفز فعلا ماله هو و مالي خليه في حاله الايام اللي بعدها مكنتش بكلم غير نهال بس قليل هي اصلا مش صاحبتي اوي وكنت بتكلم مع بسمله شخصيه جميله حقيقي
كنا بنقعد مع بعض في وقت محاضرات معينه مش كنا مع بعض في كل المحاضرات وملك كمان مكنتش بكلمها انا اكتر حاجه بكرها نقل الكلام وهي عارفه أنه هيعمل مشكله حازم بقى اللي شخص تاني خالص بحسه احيانا غريب في تصرفاته ونظراته مع أنه اصلا محترم جدا بس
