مش عايزه اتجوز

في الناس.
ضحكت على كلامه وبدأت أحاول اخليه يتعلم يمشي بيها ووقعنا كذا مرة بس اديني حاولت.
ضحكت وأنا بقوله أنا تعبت من كتر الوقوع بجد أنا موقعتش كده وأنا بتعلمه كفاية عليك كده.
 أبتسمت يمكن صدفة تجمعنا من تاني ويمكن لاء.
ومشيت لقيته على صوته فوقفت بس أنا هدعي أشوفك تاني وأكيد هشوفك.
كملت طريقي وأنا ببتسم لحد ما روحت.
عدا يومين مكنتش بنزل فيهم لحد ما نزلت وقابلته.
_بقالك يومين غدرتي بيا فيهم على فكرة بس أنا ظبطت وبقيت أعرف استخدمه وبعد جملة دي لقيته كان هيقع فضلت بصاله وأضحك لحد ما قالي تعرفي أن ضحكت حلوة أوي وعيونك وأنت بتضحكي بتبقى جميلة.
أبتسمت بخجل وسكت لحد ما أتكلم مش ناوية تتمشي هزيت رأسي وبدأنا نتمشى بدأنا نتكلم طلعنا شبه بعض في حاجات كتير حب المزيكا حب الاسكيت حب الكتب والشاي بالنعناع والقهوة التصوير الصور والفيديوهات العشوائية.
بنشارك نفس الإهتمامات والمشاعر.
فضلنا نتمشى وندندن شوية نضحك لحد ما قررت أروح علشان متأخرش.
أبتسم هشوفك تاني
بصتله بنفس الإبتسامة يمكن نجتمع تاني صدفة ويمكن لا بس أنا بغير الشارع كل مرة ازاي بتعرف
سكت وهز كتفه هتصدقيني لو قولتلك معرفش!
أنا بلاقي رجلي بتجبني لحد هنا وبكون واثق إني هشوفك وبشوفك وهدعي إني أشوفك تاني بس هتكون غير المرة الجاية.
روحت البيت وأنا بفكر في كلامه وبفكر فيه حبيت كلامه تفكيره صدف اللي بتجمعنا ابتسامته أنا بعمل إيه دلوقتي
فضلت واقفة بكلم نفسي لا يا ندى تاني أكيد لا أنت كده هتئذي نفسك وهتئذيه وأكيد لو حصل حاجة هيعرف إني مش بخلف وهيمشي هو أنت غاوية ۏجع قلب تاني دمعت وأنا بدعي أن ربنا يجبر بخاطري المرة د أنا فعلا حبيته يارب راضيني.
فضلت أسبوع مروحش نفس الأماكن بس بقيت حاسه إني بشوفه في كل مكان بلمح طيفه دايما حاسه بوجوده جمبي بس مش موجود.
قررت إني هنزل وهشوفه بعد ما كنت اتكلمت مع سلمى وقالتلي لازم توجهي المرة د وهو لو في قلبه مشاعر أكيد هيقدر موقف د.
حتى لو مقدرش أنا لازم أوقف كل د علشان متعلقش على الفاضي.
كنت واثق إني هقابلك انهاردة هان عليك غياب أسبوع
_ بص يا..
سكت وركزت أحنا لحد دلوقتي منعرفش أسم بعض.
أبتسم يوسف أنا يوسف عمران وأنت يا اللي خاطفني
بصتله وحاسه بمشاعر متلخبطة ندى أحمد.
أبتسم أكيد أسمك لازم يكون لطيف زيك كنت عايزة تقولي إيه بقى
بصتله حاولت أجمع الكلام معرفتش ولا حاجة كنت هقولك معلش عشان مجتش الأيام اللي فاتت كنت مشغولة.
أبتسم ولا يهمك أنا كنت حابب أتكلم معاك ندى أنا بحبك معرفش إزاي وامتى وفين
أنا مرة واحدة لقيت نفسي بحبك بحب وجودك ضحكتك كلامك تفكيرك بدايق اليوم اللي مش بلمح طيفك فيه رغم أنه مفارقنيش من يوم ما شوفتك أنا عايز نكون سوا أنا مش عايز اضيعك من ايدي.
أبتسمت على كلامه حسيت أن قلبي بيطير من الفرحة زي الفراشات وكأني طلعت سابع سما بس مرة واحدة نزلت سابع أرض على رقبتي.
بصتله بزعل وعيوني مدمعة مش هينفع يا يوسف مش هينفع.
اتعصب هو إيه اللي مش هينفع مفيش تفكير أنا عارف إنك بتحبيني يا ندى باين في عينيك مستحيل تسبيني لا.
عيطت أكتر وأنا بقوله صدقني أنا منفعلكش أنا اه حبيتك حبيتك أوي أنا عمري ما حسيت بحاجة إسمها حب إلا لما شوفتك بس أنا مش هنفع قولت وعياطي

بيزيد أنا مش