احببت صعيدي بقلم فاطمه محمد

ايوة ايوة مين بيخبط 
خديجة انا يارقية ادخل 
رقية وقد جرت للباب تفتحه فهي اشد الحاجه لمن يواسيها ويسمعها تعالي ياخديجة تعالي
خديجة وقد فزعت لما رأته من تورم اعين رقية واحمرارها ايه بس مالك يارقية في ايه قوليلي ياختي ولا يكنش ابويا فاتحك في الموضوع اياه 
رقية يعني انتي كنتي عارفة ياخديجة انهم عايزين يجوزوني يونس 
خديجة والله عرفت امبارح من فاطمة ما انتي عارفه انها الكبيرة وامي بتحيكلها كل شيء بصي انا عارفه كد ايه انتي كنتي عتحبي مصطفي اخوي بس يونس طيب وغلبان هو صح يبان عليه انه صعب بس قلبه ابيض وحنين وبيحب بناتك وهيكونلهم اب قبل ما يكونلك جوز و..... 

رقية انتي بتقولي كنت بحب مصطفي ياخديجة انا كنت وهفضل احب مصطفي لا عايزة يونس ولا غيره مش عايزة حد احلفلكم باايه بس طب ما انا لو عايزة اتجوز ايه الي يخليني اسيب اسكندرية والبحر واجي ببناتي هنا في مكان مش بيخرجوا فيه الستات وان خرجوا يبقي بنقاب تفتكري ايه الي غصبني غير اني عايزة اعيش مكان ما مصطفي عاش وكبر عشان افضل حاسه بيه وبوجوده وليه متحملة معاملة مامتك ليا تفتكري ليه الا عشان بناتي واكرام لروح مصطفي ومهما عملت بقول عشانك يامصطفي ياخديجة انا لو بقيت لحد غير مصطفي ھموت ھموت 
بدأت رقية في البكاء وبدأت خديجة في تهدئتها حتي قاطعتهم سما بطرق الباب ماما تيتا بتقولك يالا تعالي انتي وعمتو عشان عمتو فاطمة جت
خديجة وعمتك زينب جت هي كمان 
سما لا مش هتيجي
خديجة ليه متعرفيش ليه
سما لا ياعمتو انا يمعت عمتو فاطمة بتقول لتيتا انها مش هتيجي ماما احنا بنلعب انا وسجي مع العيال
رقية ماشي ياحبيبتي وبلاش شقاوة واسمعوا الكلام
سما حاضر
خديجة قومي كده اغسلي وشك وغيري هدومك وان شاء الله كل شيء يتحل مش يمكن يونس يكون رفض برضه 
رقية يارب يارب بس انا مش هقدر ارفع عيني في يونس بعد كده 
خديجة يابتي دا عم بناتك مينفعش تقاطعيه يعني بصي سبيها علي ربنا وان شاء الله يكتبلك الخير
رقية يارب
آدم استيقظ من نومه ولم يجد يونس فهم يتشاركا الغرفة ولكن علي ما يبدو انه لم يبت الليلة الماضية بغرفته
آدم بس ده مبيتش في فرشته اصلا 
الحاجة سعاد يالهوي اتصل بيه ياولدي شوفه فين 
آدم يتصل بيونس تليفونه مقفول
فاطمة يامراري راح فين ده اول مرة يعملها روح طاب شوف عربيته بره ولا خدها
آدم طيب هروح
اتي علي صوتهم الحاج فاروق وقد سمه الحوار متقلقوش عليه هو تلاقيه بات عند حد من اصحابه ولا نزل فندق فسوهاج ما انا عارفه وعارف انه هيتعبني 
الحاجة سعاد انت قولتله ياحاج 
الحاج فاروق ايوة قولتله امال هستني الإذن اياك ولما يعاود خليه يجيلي عالأرض عندنا شغل كتير منقصاش عطلة 
آدم عربيته مش بره
خديجة وبصحبتها رقية في ايه ياما عربية مين 
الحاجة سعاد اخوكي يونس يابتي مبيتش باوضته ووجهت كلامها لرقية غوري من وشي ياوش المصاېب مۏتي الاولاني وطفشتي التاني غوري جاكي غوارة
رقية غلبتها الدموع وتركتهم لغرفتها تعاود البكاء 
خديجة وهي مالها ياما البنية عملت ايه هي قال يعني هي عايزاه ما هي ما عيزاش تتجوزه
فاطمة ليه انشاءالله ماله يونس في ايه يتعايب مش كفاية هياخد واحده كانت مجوزه واحد غيره ياخد بنت بنوت تنور حياته وتبقاله اول بخته
الحاجة سعاد قوليلها يابتي يعني انا حړقتي علي عيالي مش من شوية فينك يايونس ياولدي شوفلي اخوك ياآدم شوفه فين
آدم انا هقلب البلد وسوها كلها عليه مش هرجع الا بيه
رقية بغرفتها تبكي حظها وتحدث صورة مصطفي ليه سبتني يامصطفي ليه مش انت وعدتني متسبنيش ابدا ليه يامصطفي سامحني في الي هعمله سامحني يامصطفي بس ڠصب عني لاني مش هقدر اكون لحد غيرك..........
تتبع 
الفصل التالت
ياليت الأيام تمر مرور الكرام ولكنها سنة