عشق بيان بقلم سولييه نصار

بعدت عنه ...قررت خلاص كفاية كده حزن أنا هاخد الأدوية واسيبها علي الله ...
طلعت من الحمام وانا بنشف وشي بس صوت الزغاريط خلتني اقف في مكاني ...معرفش ليه جسمي اترعش ...نزلت بسرعة لقيت حماتي بتزعط وهي ماسكة منال بنت اختها ..
فيه ايه !
قولتها پصدمة ...ابتسمت حماتي پشماتة وقالت
باركي لمنال يا بيان ..هتبقي ضرتك!
اومال فين بيان !
قالها عمر بعد ما نزل من شقته...جه من شغله من حوالي خمس دقايق وقرر يطلع لبيان بس استغرب لما ملقهاش ...نزل يسأل أمه...
انت جيت امتي يا عمر!
قالتها أمه بتوتر ...
من خمس دقايق يا امي وطلعت فوق علطول ...
لوت بوزها وقالت
طبعا السنيورة بتاعتك هي الأهم دلوقتي ...
اتنهد عمر وقال 
مفيش حد اغلي منك يا امي ...بس انتي عارفة بيان بتمر بأزمة نفسية دلوقتي ...
اسكت دي عايزة قطم رقبتها ...متجيبش سيرتها قدامي ...دي ...
عملت نفسها پتبكي وقالت
انا بس طلعت اطمن عليها راحت زعقت معايا ولما اتخانقت معاها لمت هدومها ومشيت وقالت إنها عايزة تتطلق ....
بهت عمر وهو بيبصلها مكانش مصدق الكلام بس مقدرش يواجه والدته بكده ...
من غير ما يقول اي كلمة مشي من غير ما يرد علي والدته اللي بتنادي عليه ....لطمت هي علي وشها وقالت
اكيد الحرباية دي هتقوله علي كل حاجة ...
بعد نص ساعة تقريبا ...
عمر جالك ومستنيكي برة ...
قالتها امي لما دخلت عليا الاوضة وانا بعيط ...
هو عايز ايه تاني ...عايز ايه مشيه من هنا يا ماما ...
قعدت امي جمبي علي السرير وقالت
يا بنتي عيب كده ده جوزك ...اطلعي شوفيه عايز ايه ...
هزيت راسي وانا بعيط وقولت
لا يا امي ...مش عايزة اشوف الخاېن ده اللي باعني من اول مطب اطلعي واطرديه لو سمحتي ...
يا بنتي عيب كده ...هو ...
قاطعنا دخول عمر اللي قال
بقالي ساعة مستنيكي برة يا استاذة مش ناوية تخرجي وتقوليلي ايه اللي حصل وخلاكي تسيبي البيت !!!
قومت وانا بزعق فيه وقولت
وليك عين تيجي وتتكلم ...ما تروح لخطيبتك يا
استاذ وطلقني ونفضها سيرة ...
خطيبتي !
قالها عمر پصدمة فكملت وانا بعيط
ايوة خطيبتك منال ...اللي ناوي تتجوزها عشان تخلفلك العيل اللي انت عايزه ...روح عندها يالا جاي هنا ليه ..
يا مچنونة يا بنت المجانين بتقولي ايه !
زعق فيا عمر فضړبته امي علي كتفه وقالت
لم لسانك ...
لا مؤاخذة يا حماتي بس بنتك هطير برج من نافوخي انا نفسي اعرف مين الاهبل اللي قالي هتجوز عليكي!
امك ...
ما تلمي نفسك يا بت !
والله الست والدتك هي اللي قالت كده ...دي كانت جايبة منال وبتزغرط وبتقولي اعرفك علي ضرتك ....
سكت عمر شوية وقال
معلش يا حماتي ممكن تسيبينا نتكلم شوية ...
حاضر يا بني ...
وطلعت امي ...قعد عمر جمبي وشدني ليه وقال
اسف ...اسف علي كل حاجة امي عملتها فيكي ...أنا عارف انك اتنازلتي عشاني كتير وفي الاخر برضه عاملتك بالطريقة دي ....بس دي امي ...امي اللي ليها فضل عليا مقدرش ازعلها ولا اټخانق معاها وكلام اني هتجوز منال ده كدب ...طب ما هي قدامي طول عمري متجوزتهاش ليه! بس طبعا مقدرش اټخانق مع امي بسبب كده ...
بعدت ودموعي بتنزل مكنتش مصډومة منها بالعكس تصرفاتها دي متوقعة 
يعني هيبقي حقي مهدور عارفه أن ليها مكانة كبيرة ...طب وانا يا عمر اتظلم واسكت 
باس راسي وقال
لا يا حبيبي انا هتصرف ....
قام عمر بسرعة ومشي وسابني مش فاهمة هو قصده ايه ...
في بيت والدة عمر ...
كانت قاعدة والدة عمر علي الانترية وهي حاسة بتوتر
جه عمر وقعد