نوفيلا فرحه مكسوره بقلم سلوى عليبه
يسمى إبنته على إسمها رغم كذبه على نفسه عندما أسماها فرح وليس فرحه وكأن هناك فرق بين الإثنين .إذا لما كان يناديها بفرحة
بابا .هل ليذكر حبيبة لم ينساها قط أم ليعوض حزن قلبه فرحته الصغيرة .حتى إبنه أسماه بالإسم الذى كانت تريد أن تسميه هى وهو ساجد .
تكلم بخفوت وقال شكرا .
لم تتكلم .صمتت وفقط .وهل يوجد كلام تستطيع أن تقوله فى مثل هذا الموقف الغير متوقع .
خانته عيناه ونظر إليها فوجد عيناها هى الأخرى تنظر إليه وكأنها تسأله عن أحواله شعر بغيرة داخل عيناها وهى تنظر له ولإبنته حنيييين وإشتياق هو كل ماقرأه داخل عيناها ولم يكن هو مختلف عنها .فدقات قلبه تكاد تصل لمسامعها .قلبه والذى لم يشعر بدقاته منذ أن ذهبت وتركته هاهو الآن يرجع لكى ينبض من جديد وكأنه يذكره أنه مازال على قيد الحياة ولكن عليه أن يوقفه فهى قد إختارت حياتها ولن يتدخل فى قراراتها مرة أخرى .
إستدار ليخرج من المحل ولكن سحبته إبنته للداخل مرة أخرى وهى تقول بإعتراض إستنى يابابا أنا عايزه أشترى التيشرت الأزرق اللى بره ده .
تركت يده من فرحه وهى تقول ممكن ياطنط تجيبى التيشرت عشان هاخده .
إبتسمت فرحة على مضض وأجلت صوتها وهى تقول طبعا يا حبيبتى ثانية واحده .خرج صوت فرحه مهزوزا من فرط إنفعالاتها .
أجابتها فرحة بخفوت وهى تنظر لماجد إسمى فرحة .صاحت فرح بسعادة وهى تقول بجد إسمنا شبه بعض ياطنط فرحة .تعرفى إن بابا بيناديلى دايما بفرحة عمرى أو فرحة بابا.
دق قلبها بشدة ففرحة عمرى هو لقبها الذى يقوله هو .أما هو فشعر بالإشتياق لأيام كانت هى كل ما يتمناه منها فرحة عمره الضائعة .
أنزل عيناه وهو يقول يلا يافرح لازم نمشى دلوقت عشان أخوكى بيعيط .
ذهبت إليه فرح وقالت پخوف على أخيها بجد طب يلا بينا يابابا لأنى مبحبش ساجد يعيط .بس ممكن بعد مانسكته نيجى هنا ونشترى التيشرت عشان عجبنى وانا عارفه ان حضرتك بتحب اللون ده قوووى .
يا الله لقد سمى إبنه ساجد كما كانت تتمنى هى لإسم إبنها منه هو .
نظر إليها دون فهم ليه إيه
أغمضت عيناها پألم وقالت ليه سميته ساجد ليه مش أى إسم تانى .عايز تعرفنى إنك خلاص بقى ليك حياة وعيشت وحبيت واتجوزت وأخدت منى إسم إبنى اللى كان نفسى أسميه .أضافت بۏجع دكان إختيارى أنا مش إختيارك .انت كنت موافق عليه بس عشان خاطرى يبقى ليه سميته لإبنك.
وقال دون وعى حبيت يكون فيه أى ذكرى منك حتى لو كان إسم إنت اللى مختاراه .ثم أضاف بتهكم ناتج عن ألمه وكمان ياريت متحكميش على حد تانى من غير ماتعرفى ظروفه .وقال بۏجع ملأ صوته مين قالك إنى عشان إتجوزت أبقى حبيت وعشت حياتى .مانكرش انها كانت ونعم الزوجة وانا على قد ما اقدر كنت ليها زوج كويس براعيها وبتقى ربنا فيها لكن ده .ثم أشار على قلبه ده من يوم ما اتكسر وهو متصلحش حاولت بس معرفتش .لما تحس انك ملكش قيمة مع أكتر حد إنت بتحبه ساعتها بتحس بأن قلبك حد بيشيله من مكانه وبيرميه ويحط بداله ناااااااار وياريتها بتهدا دى بتزيد .
ذرفت عيناها الدموع وهى تقول له إنت أكتر واحد عارف إنت بالنسبة ليا إيه .بس للأسف ظروفى حكمت عليا بكدة وإنت عارف.
صاح پغضب والظروف دى مكانتش على اختك ليييه هااه إشمعنى إنت اللى تضحى وأختك اتجوزت هيثم ابن عمى وعاشت حياتها وولادها اهم فى الجامعة . إشمعنى أنا اللى قلبى يتكسر وغيرى يعيش حياته وكمان أنا عمرى ماكنت هبعدك عن إخواتك وانت عارفه كده كويس وقلتلك متقلقيش عليهم بس رغم كده صممتى انك تكسرينى .
صاحت به مش قلبك لوحده اللى إنكسر قلبى كمان اتفتت مش إنكسر .على الأقل إنت إتجوزت وخلفت وبقه عندك إمتداد ليك ونس فى حياتك لكن أنا معملتش حاجه فى حياتى غير إنى ربيت إخواتى ومش ندمانه على فكرة.
صړخ بها مفيش فايدة فيكى هتفضلى طول عمرك تدوسى على نفسك وتاخدى فى الرجلين الناس اللى بيحبوكى عشان تكملى تضحيات . خليكى فى تضحياتك يافرحة وانسى إنك شوفتينى خااالص .
نادى على إبنته فرح بكل ما أوتى من قوة .فلقد أخذتها حورية بجولة فى المحل حتى تترك الفرصة لهم بالحديث.
أخذ إبنته وخرج كالإعصار من المحل .فهو كان بداخله يتمنى أن تكون قد شعرت بالندم ولو قليلا لأنها تركته ولكن
