وصايه حب بالاكراه
تبقى مراتى
لاتعرف جورى ماهذا الشعور بالسعادة الذى غزا قلبها عندما سمعته ينطق هذه الكلمة
سالم.....انت بتقول ايه
ادم....اللى سمعته جورى مراتى ومش هتخرج من البيت هنا
اسماعيل.....وده حصل ازاى يا عبد القادر بيه
عبد القادر......عادى هو عيب ان جورى تتجوز المفروض تفرحلها انت مش خالها برضو
فتحية....وايه اللى يثبت فعلا انكم متجوزين
آدم......اتفضلى دى قسيمة الجواز
بعد معرفة اسماعيل وزوجته وابنه بزواج جورى من آدم شعروا بخيبة الامل فالفرصة فى جعل جورى تحت ايديهم قد ضاعت منهم
اسماعيل.....مبروك عن اذنكم
خرجوا من المنزل لا يعرفون ماذا يفعلون
فتحية.....وبعدين فى اللى حصل ده
اسماعيل.....مش عارف اعمل ايه انا هنجن ده حصل ازاى
سالم.....ابن المحظوظة خد منى البت اللى طلعت زى القمر دى انا هطق
اسماعيل.....احنا لازم نشوف حل
سالم.....اكيد انا من ساعة ما شوفتها وانا مش عارف اطلعها من دماغى
اثناء مذاكرة جورى وسيلين
جورى.....ولا انا دى تلاقيها المحاضرة اللى طردنا منها
سيلين.... خلاص تعالى نروح لابيه يشرحهلنا
جورى.....قصدك يشرحنا مش يشرحلنا
سيلين.....تعالى بس ما تخافيش
جورى....اصبرى البس الحجاب
سيلين.....ليه يعنى ده جوزك مش حد غريب
فى غرفة آدم
قامت سيلين بالطرق على الباب
آدم.....ايوة ادخل
سيلين.....ابيه لو سمحت فى حاجة مش فاهمينها ممكن تشرحلنا
لم يلاحظ ادم ان جورى بشعرها وليس بحجابها وكانت هذه اول مرة يراها بهذه الصورة
شعر آدم بالتوتر بسبب جلوسها قريبة منه فهذه اول مرة تجلس قريبة منه الى هذا الحد مما ادى اى عدم تركيزة اكتر من مرة
سيلين.....ايه يا ابيه فى ايه
آدم......هه مفيش بس عندى صداع بكرة فى الكلية هبقى اكملكم شرح روحوا ناموا
كان خبر زواج جورى من آدم لم تعرف به جازمين ولذلك كانت تتصرف بتكبر وتعالى على جورى فاثناء جلوسهم معا هى وجورى وسيلين وآدم تعمدت التحدث باللغة الفرنسية لتشعر جورى بعجزها بعدم معرفتها بهذه اللغة
جازمين......وانتى بقى يا جورى بتعرفى فرنساوى
سيلين.....هههههه ايه اللى انتى بتقوليه ده
جورى...... انتى مش شيفاها عماله تعمل ايه قولت الطف الجو شوية بدل الخنقة دى
آدم.....وده فرنساوى ايه بقى
جورى....دا الفرنساوى بتاعى انا بقى
جازمين من غير نفس.....باين عليكى دمك خفيف اوى
جورى.....اوى يا قطة
جازمين......قطة ايه الالفاظ دى
سيلين.....مالها كلمة قطة يعنى وحشة يا قطة
جازمين بدلع..... شايف يابيبى بيقولوا ايه
جورى فى سرها....... شافك الشوفان وجلب الطوفان يا بعيدة
جازمين.....على فكرة انا شوفت كام فيلا حلوين علشان نختار واحدة نعيش فيها بعد ما نتجوز
آدم......ومين قالك انى هقعد فى بيت تانى غير ده
جازمين..... انتى عايزنى اعيش مع دول
سيلين.....ومالهم دول منشبهش ولا ايه يا ست جازمين
لا تعرف جورى لماذا فكرت فى لحظة مچنونة انت تخبر هذه المتعجرفة انها هى من أصبحت زوجة آدم وهى من تحمل اسمه الآن ولكنها فضلت الصمت حتى لا تزيد من تعقيد الأمور
فى احد الايام لم تستطيع جورى النوم وكانت سيلين قد نامت منذ وقت طويل فربما كانت قلقة بسبب عدم حضور آدم حتى الآن ففى هذه الايام صار يحضر الى المنزل فى وقت متأخر من الليل وتشعر انه يتجنبها بالنهار
فتحت باب غرفة نومها وخرجت الى الممر ثم سارت ببطىء إلى مكان تستطيع فيه رؤية الصالة بوضوح كان هناك نور خاڤت ينير الصالة وسمعت جورى صوت سيارة ادم
استدارت جورى لتعود الى غرفتها بعد ان لاحظت دخول ادم المنزل كانت تحاول جهدها للتخلص من فكرة وجوده ومن احاسيسها
ولكنها كانت متأخرة اذا اكتشف ادم وجودها هناك فى أعلى السلم
فصعد السلم ليقف امامها
آدم......مساء الخير يا جورى انتى واقفة مستنيانى ولا ايه
جورى....وانا هستناك ليه يعنى عن اذنك
آدم.......استنى احنا لسه مخلصناش كلامنا
جورى.....اظن مفيش بينا كلام تصبح على خير
احست جورى بانفاسه تحيط بها وشمت رائحة عطره وهو على وشك ملامستها اضافة الى ذلك لم تكن قد استطاعت التخلص من مشاعرها نحوه منذ لحظة دخوله المنزل
وفقدت رغبتها فى الهرب وتساءلت فى قرارة نفسها عما سيحدث اذا اقتربت منه اكتر لتجعله يحس بوجودها
كان آدم واعيا لما اثارته اللحظة بينهما واصبحت نظراته دافئة ومٹيرة رفع آدم يده ولمس خصلات شعرها ولم يتوقف للحظة عن التحديق فى وجهها فدمدمت هامسة باسمه
جورى بهمس ناعم..... آدم
آدم.............................
بارت كمان علشان الفانز الحلوين اللى حلفونى بالغاليين
اسكريبت
وصاية حب بالإكراه
الجزء الرابع
جورى بهمس ناعم...... آدم
آدم.......جورى انا
جورى بهمس......انت إيه يا آدم
عندما نطقت اسمه للمرة الثانية دفعه لاستعادة وعيه فابتعد عنها مسرعا
ادم........روحى نامى يا جورى
نظرت اليه بصمت بدون ان تتحرك
ادم پغضب...... روحى نامى يا جورى ارجعى اوضتك قبل ما اغير رأيى
نظرت باتجاهه عدة لحظات ثم عادت الى غرفتها واغلقت الباب خلفها وتوجهت مباشرة إلى المرآة لترى انعكاسها مواجها اياها فكرت انها لن تنسى ما فعلته ابدا وانها
لن تغفر لنفسها موقفها المخزى
فى الصباح
سيلين.......جورى جورى اصحى بقى كل ده نوم
فى الحقيقة انها لم تذق النوم منذ البارحة بسبب ما حدث
جورى.....ايه يا سيلين
سيلين.....يلا هنروح الكلية
جورى.....لاء انا تعبانة مش راحة
