بيت العوانس

يرتاحواتعبناهم اوى معانا ومع الأولاد 
هتفت أمي بسرعة وطيبة شديدة
لا يا مريم ....ازاي تقولي كدا.....تعبكم راحة يا بنتى.....
ربنا يسعدك في بيتك يا بنتي

وانتهي اليوم علي خير ...كنت سعيدة لا أنكر واتعجب من هذا وبدأت أتساءل هل من الممكن أن وجود ياسين يخفف عني حمل ثقيل لا يعلم مقداره إلا الله....
دخلت امي واخوتي البنات ومعهم مازن ولؤي أخوتي الذكور الي الغرفة وانا شاردة افكر في الغد ليبدأ الجميع علي غفلة في قرع الطبول والغناء النشاز جدا جدا
يا عروستنا يا لوز مقشر تعالي ...يا عروستنا ونلبسوكي الدهب...يا عروستنا واحنا ليلتنا عجب
فلكلور صعيدي......
التف الشابين حول أمي ست الكل وبدأ يغنوا أم العروسه كتر الله خيرك....ام العروسه راحت ايامك وجات أيام غيرك لتقهقه أمي بصخب وسعادة شديدة وعيون ممتلئة بالدموع...اقتربت منيرة من أمي وحضنتها بشدة وقالت 
ماما يا حبيبتي....امتي هتعيطي كدا وانا أتخطب ...يا سلام يارب تبكي على طول يا ماما مش يحرمنا من دموعك أبدا يا ست الحبايب 
لتنظر إليها أمي بغيظ قائله 
أنتي بالذات مش هعيط عليها أبدا بالعكس هشتري زيرتين وخمس قلل قناوي عجب اجهزهم اكسرهم وراكي ..خوفا من أنك تلفي وترجعي تاني والحنه في ايديكي...ما أنا ضمناكى وعارفة طوله لسانك اللي يشتكي منها الكل ..والله بدعي من قلبي يصبر اللي هيتجوزك عليكي يا بنتي
لتضم منيرة فمها في ڠضب طفولي هاتفة
نعم ...أنا يا ماما ..طب من غير يمين اللي هيتجوزني هتبقي امه صحيت في الفجر كشفت راسها كدا وقالت روح يا بني يسعدك بمنيرة بنت أمل قادر يا كريم..امال ايه دا أنا بلسم
ثم صمتت منيرة مفكرة لبرهة من الزمن ثم هتفت..
ولا أقولك احتياطي برضه ...خليهم خمس أزيار وعشر قلل...اهو ضمان برضه محدش مضمون في الزمن ده..ليطلع غبي ونكدي ومش يتحمل كميه العسل اللي بتنقط مني....عالم مش بتقدر القدرات الخاصه اللي عندى
ليتدخل مازن في الحوار مازحا
اظن والله أعلم...لو جهزنا كل القلل اللي في البلد....وعليهم لو هربنا بعد ما نجوزك...برضه عريسك هيجيب متحري خاص ويدور علينا ويرجعك لينا ويطلب مخلص حق ويعمل علينا دعوة رد شرف من اللي جراله بسببك
نظرت اليه منيرة پغضب وكادت أن تقذفه بنيران كلماتها إلا إنها هدأت والتمعت عيناها بمكر وهتفت ..
هو من جهة هيدور عليكم ..اكيد هيدور طبعا علشان يشكركم علي الهدية النعمة الكبيرة اللي طبت عليه من السما 
ثم ابتسمت ابتسامه حالمة
بس هو يجي وانا وربنا همسك فيه زى القراضة واسعدوه واخليه يمشي يكلم نفسه من السعادة طبعا 

تنحنت رجاء وهي تنظر بعيون ثاقبة للعروس سحر وتتأمل كل لمحة وحركة منها وتبدأ الكلام 
ابني محمود يشرف نسبه اي بيت يا ابو العروسة..موظف كبير وسنه معقول يادوب اتنين وتلاتين سنه ...شقه كبيرة وهترتاح معايا اوي ..وهحبها زى بناتي بالضبط
نظر والد سحر ناحية محمود وسأله وانت يا عريس !!!
ايه مش هتسمعنا صوتك يا بني وتقول ايه رأيك في العروسة وظروفك...وايه اللي تحبه واللي بتكرهه..تعرفنا عليك يا بني علشان سحر كمان ترتاحلك بأذن الله..سيرتك طيبة مش أنكر وعمرنا ما سمعنا عنكم كلمة تسئبس دا جواز يا محمود ..هاه اتكلم انا سامعاك
نظر محمود حوله بعيون زائغة لا يدري حقا ماذا يقول أو ما المطلوب منه ..ليميل علي والدته رجاء ويهمس ..
ماما ....اقول ايه... ولا أقولك اتكلمي انتى يا ست الكل
لترفع سحر حاجبها وتنظر اليه ساخرة وتهتف في نفسها ..
تصدق ...دا انت عريس لقطه واللي زيك مش يترفض أبدا...دا أنا بختي من السما....يا .......مودى حبيب ماما انت
وتعلو ضحكتها الساخرة داخلها أكثر وأكثر........

الفصل الرابع
الليلة ليلة الحناء سعيدة جدا جدا يا بنات ياسين يحاول قدر استطاعته لمسات بسيطة تشعرني بأن الله أنعم علي بأفضل زوج....
يكفي أنه كل زيارة يحضر شيكولاتة ووردة لونها احمر روعة..
والدى أتفق علي فرح بسيط وشبكة أبسط ..علي الرغم من أن ياسين كان مصر علي الافضل في كل شئ...
لكن هذا سيكلف مبالغ كبيره وديون كثيرة ..
ليس من العقل ابدا أن أبدأ حياتى بديون ...مسئولية الأطفال أصبحت في رقبتي.....
أخشى ألا أكون علي قدر هذه المسئولية.. .لكنى أدعو الله باستمرار ان يوفقني لما فيه الخير لهؤلاء الأطفال المساكين....
اليوم حفل زفافي..... خائڤة ومړعوپة.....حالي اصبح مثل كل الفتيات ولم أتوقع أني مثلهم....
أتصل ياسين ظهرا وتحدث بنبرة غريبة 
الوووالسلام عليكم...أيوه يا سمر.. أخبارك.. هكون عندك بعد ساعه أن شاء الله علشان أوصلك للبيوتي سنتر.....اتفقنا
سألته پخوف مستشعرة خطب ما حدث معه
مالك يا ياسين في مشكلة لا سمح الله متضايق ليه
رد بنبرة طغي عليها التعجب والرضا والراحة اخيرا
ياااه يا سمر..أول مرة حد يحس بيا ربنا يخليك ليا...عمرى ما تخيلت انى ممكن أضايقك في يوم مهم في حياتنا زى دا...والله ڠصب عنى أنا آسف
شعرت بالفزع الشديد والړعب
في ايهأتكلم قول علطول حصل ايه
تنفس بصوت مكتوم ينم عن الڠضب الشديد وقال 
مريم رفضت تخلي الأولاد معاها