ضوء القمر بقلم سحر السحرتي

انت لما سمعتني بقول عايزة اتجوز في البلد فهمت انه منك يمكن جدي يختار لي حد تاني
زياد يلا يا عمي خود ولادك وامشو صلح ايه وكلام فاضي يلا يا راجل
بقلمي سحر السحرتي 
سعد الجميع بهذه المزحة واخذ جابر ابنه حسن في حضنه واحتضن ايضا سندس واعتذر لها 
ارتمت تولين في حضڼ نفيسة انا هنام في حضنك النهارده
كان نفسي بس بقالي ٥٠ سنة بنام جمب جدك حتي لما خلفت عيالي مفيش يوم ما نمتش جمبه 
خلاص هنام جمبكم انتم الاثنين 
جابر عيب اتحشمي 
تحب انام جمبك لوحدي واخليها تشوف مكان تاني
ضحك جابر وقال بحب
جيتي قلبتي الدنيا ونورتيلي حياتي وفتحتي عنايا اللي كانت عامية عن حاجات كتير

قالت بمرح ولسة يا جدو انت لسة ياما هتشوف 
امسك زياد يدها وسحبها وقال
يا بخت من زار وخفف كفاية كده احسن توليعها
جابر بصوت عال سيب ايدها هو انت كتبت عليها ولة لسة 
رد زياد پخوف شديد لسه يا جدو 
خلاص تكتب عليها احنا كان عندنا فرح ولازم يكمل
قبله زياد بفرحة وسعادة لا توصف
ايه احلى جدو ده معقول في كدة ما ظهرتش من زمان ليه 
ردت تولين باعتراض
انا اسفة يا جدو مش عايزة اكسر كلمتك بس مش هقدر اتجوز زياد
لماذا رفضت تولين الزواج من زياد 
الحلقة القادمة هي الاخيرة
اتمنى تتفاعلوا مع رواية نسمة حائرة عشان اقدر انزلها بعد ضوء القمر هي اول رواية كتبتها يمكن البداية بطيئة شوية لكن هتعجبكم فيها احداث كثيره
ضوء القمر 
حلقة ٢١ والاخيرة
تحدث زياد بدهشة من موقف تولين وتفاجئه برد فعلها
ايه يا تولين اللى بتقوليه ده
انا اسفة مش هقدر اتجوزك ماما من حقها تحضر مش مشكلة مامتك ممكن ما تحضرش
حسن تولين عيب
زياد بعد ان اخذ نفسا عميقا بارتياح بعد ان فهم موقف تولين
عندها حق يا جدو طنط هدى وبابا واطال في كلمةو ماااما لازم يفرحوا لينا 
جابر خلاص زي ما انتم عايزين يبقى في اجازة نص السنة ان شاء الله كتب كتاب ودخلة وتقضوا شهر العسل هنا في البلد 
تولين لا يا جدو انا كدة ادبست رسمي كفاية كتب كتاب 
زياد وهو يضحك عليها كلامك يمشي يا جدو كنت فين من زمان ابوسك 
تولين پغضب يا بابا مش هينفع اتجوز قبل ما اخلص دراسة 
حسن جدك قال كلمة خلاص ما نقدرش نكسرها 
همس زياد في اذنها 
واضح ان جدك وباباك بيحبوكي قوي 
بقلمي سحر السحرتي
دبدبت الارض بقدمها كالاطفال وهمست له
انا كنت ناوية اجننك واحنا مخطوبين لكن اللى يتعمل فى الخطوبة يتعمل اضعافه في الجواز استنى عليا 
صړخ زياد خلاص يا جدو مش عايز اتجوز
جابر هي قالتلك ايه 
وضحك بشدة على زياد واكمل قوية يا بنت حسن وبرضة هتتجوزيه وهديلك ضمان شهر لو عملت لك حاجة ولا نعرفك 
فضحك زياد وقال تعمل اللي تعمله بس اتجوزها 
جابر يا ولدي اتقل شوية 
بحبها يا جدو انت مش شايف انها تستاهل
تستاهل ونص كفاية انها من عيلة الحريري يالا يا تولين غنيلنا حاجة بصوتك اللي زي الكروان 
انت تؤمر يا جدو بس بابا هيغني معايا زي زمان
جابر هو انت يا حسن بتعرف تغني
تولين ده صوته احلى مني وهو اللي خلاني اتعلم جيتار عشان اعوض زعلي من الاعاقة قبل ما اكتشف اني بعرف اعوم 
يوسف قصدك قبل ما انا اللي اكتشف بعد ما زقيتك في الميه 
ما بلاش انت انا بقى عندي حماية كبيرة اقول لجدو 
يوسف بړعب متصنع لا خلاص قوية زي جدو ما قال
انتهت الليلة بسعادة الجميع بعد ان تصافت النفوس
مرت ايام الكامب التي اقامتهم تولين ببيت جدها وعادت الى القاهرة وكانت قد اخبرت امها بكل ما حدث في الهاتف التي سعدت بدورها لصفاء الاجواء بين اولادها وجدهم وعودتهم الى احضان والدهم
استسلمت مديحة والدة زياد للامر الواقع بعد ان رات تعلق ابنها بتولين وعلمت انها من عائلة كبيرة
عاد حسن للاقامة مع تولين هذه الفترة قبل زواجها وذهب لزيارة ولاء بحكم انها لا تستطيع الحركة كثيرا لصعوبة حملها وبارك لها على الزواج والحمل
فرحت ولاء كثيرا بعودة حسن فهي كانت تفتقده اكثر من تولين لكن لم تكن تظهر ذلك 
يذهب زياد دائما لزيارة تولين وشرح المواد لها
افهمي بقى تعبتيني معاك يا رب العيال تورث جمالك بس
قصدك ايه 
ما انت فاهمة مخك تخين وتعبتيني
ما اصل دي مادة غلسة قوي 
طب انا هشرح كمان مرة ولو ما فهمتيش هبوسك
اعملها وانا هقول لجدو اللي اكيد هيعلقك مع حاتم في نفس الساقية اللي متعلق فيها
واهون عليك برضة
برقة لا ما تهونش
وبعصبية بس تستاهل عشان تبقى تستعجل الجواز انا ورايا طموحات كتير
وهو انا هعطلك دى انا هساعدك السباحة هتمرن معاك والمواد هشرحلك 
طب والغنا
هيبقى ليا وبس
انت اناني
عشان بحبك وبغير عليك بقيت اناني 
ارادت اصلاح ما فعلته 
لا يا حبيبي بس ممكن اغني حتي لو علي النت 
ممكن بس قللي ويا ريت صوتك بس اللي يظهر تحطي مكان صورتك مشاهد من فيلم او مسلسل
حاضر يا قلبي
حسن مش سامع ناس بتذاكر الامتحان قرب
بقلمي سحر السحرتي
حاضر يا بابا بنريح شويه اصل شرحه وحش ومش فاهمه حاجه
هو اللي شرحه وحش ولة انت اللي طول عمرك مخك تخين من وانت صغيرة كنت مجننانا
حمدلله على سلامتك يا بابا انا قلت له ان حصلي صدمة بسبب بعدك فبقيت مش بفهم كويس شكرا يا حبيبي ما اتحرمش منك
طب قوموا ريحوا واتغدوا انا سخنت الفطير اللي بعتته جدتك
شفت ايوة كده وانا بقول مخي قفل ليه اتاريه من الجوع 
زياد انت لو اكلتي خروف هيفضل مقفول
ليه كده طيب سيبني اعشم نفسي انه بسبب الجوع الحمد لله بكره اخر يوم
بتحمدي ربنا عشان هنتجوز خلاص بعد ٣ ايام 
انت سمعتني بقول كده
حسن هو انت يا زياد متاكد يا ابني انك عايز تتجوزها والله صعبان عليا
حبيب قلبي يا بابا دايما رافع معنوياتي اتفضل يا زياد رد قولك كلمتين انت كمان سدوا نفسي عن اخر امتحان واشيل المادة وتبقي مرات الدكتور بكحكة 
لا يا عمي ازاي متاكد طبعا وھموت واتجوزها
حسن من ناحية ھتموت فواضح انك ھتموت 
تولين لا اله الا الله انت متاكد انك ابويا ناولني الفطير ابلع كلامك الحلو ده
مرت الايام المتبقية واقام جابر حفل زفاف كبير ودعى اليه جميع الناس
اعتذر لهدى عما فعله بها في الماضي فسامحته 
انبهرت مديحة بحجم عائلة تولين وبدات في معاملتها كأبنتها 
وصلت اخت زياد من السفر وحضرت حفل زفافه مع اولادها وزوجها 
كان حفل الزفاف جميلا ومبهرا لم يخل من غناء تولين ووالدها 
تم خطبة سندس في نفس الحفل على نفس العريس بعد ان جلس معها عدة مرات وتعرفت عليه وعلمت منه كم هو معجب بها و يحبها وهي ايضا اعجبت به
قضت تولين اجازة نصف العام في احلى شاليه في الكامب لدي جدها 
عمل حاتم في مزرعة جدها خادما مسلسلا من يديه وقدميه ياكل ويشرب مثل الحيوانات الى ان بدا تدريجيا في فقدان عقله من اثار المخډرات التي كان يتناولها قديما وعندما تاكد جابر من فقدان عقله تركه هائما في الشوارع
بقلمي سحر السحرتي
عرف مهند بموهبة يوسف وتولين فكان يرسل يوسف لمهمات صعبة وتبلغه تولين برسائل يوسف
ابيه مهند انا عندي بطولة و مش فاضية بتدرب مش كل شوية رسالة من يوسف
حاسس انك معترضة من طريقة كلامك تحبي ادخلك الجيش رسمي واخليك تسيبي البطولة وتسيبي جوزك كمان لو تحبي 
لا ليه كده دي انت جوز اختي ابو عتريس اللي جاي انت لو عايز الرسالة وانا تحت الميه اجيب هالك كان يوم جميل يوم ما عرفتك ... احلى جوز اخت ده ولة ايه
ايوة خليك شطورة مش كفاية بخليكي تفوزي عليا بمزاجي 
لا بقى فى دى اسمح لي انت بتحاول كتير مش بتفقد الامل 
زياد صح الحقيقة انا من اول مرة و ما عملتهاش تاني جايب الصبر ده من اين 
مهند نفسي اكسر عينها مرة
زيادصدقني مش هتعرف انا قريتها من اول مرة هي في الميه وتحدي محدش يقدر عليها يلا يا حبيبتي نروح قربنا علي الامتحانات كمان يومين
يلا يا حبيبي
فى المنزل بدا زياد فى الشرح ومساعدة تولين كما وعدها واجتازت امتحانات اخر العام وحصلت على تقديرات جيدة عملت في شركة عماد ولم تنس زيارة جديها دائما الذين كانوا ينتظرون زيارتها باستمرار 
عاد حسن للاقامة مع والديه وبناته وكان يعود في اجازة يوسف ويقوم بزيارة تولين وولاء
ازداد حب تولين لزياد كلما قام بمساعدتها ودفعها للامام في بطولاتها فنست له زلة لسانه وعاشت حياة سعيدة تمت
اتمنى تكون عجبتكم وياريت اعرف رايكم.