روايه بقلم اسامه محمد الهواري

انزل اشتغل اي حاجة في الإجازة واهه بالمرة ترتاحي شوية.
الست والدتها وانا كنت شكتلكم إني تعبانة انا خلاص يا بنتي إتعودت علي الشقا تقدري تقولي كدة أننا بقينا أصحاب وربنا يقدرني زي ما علمتكم اجوزكم واشوفكم احلي عرايس أن شاء الله.
واكون انا قضيت رسالتي وبعدها بقا يلا حسن الختام.
سلمي بعد الشړ عليكي يا ماما متقوليش كدة إحنا مالناش غيرك.

الست والدتها ماهي دي الحقيقة يا بنتي مافيش حد هيتخلد في الدنيا والدنيا يا بنتي ولا فيها راحة ولا فيها خلود.
سلمي ربنا يديكي طولة العمر.
الست والدتها اتوكل علي الله أنا عشان متاخرش.
سلمي ماشي يا ماما تروحي وترجعي بالسلامة..
......
دخلت سلمي اوضتها وجهزت نفسها عشان تروح الجامعة وقبل ما تمشي استغربت أن هند اختها لسة نايمة على غير العادة 
سلمي هند هند يا هند ما تقومي بقا !
هند يووووه بقا عايزة اي!
سلمي اي يا بنتي مش وراكي جامعة ومحاضرات !
هند اه بس مش رايحة.
سلمي هو اي إللي مش رايحة انتي عمرك ما عملتيها!!
هند يا ستي أنا حرة قلتلك مش رايحة يعني رايحة.
سلمي وهتفضلي بقا ع الحال ده كتير!
مش كفاية أنك محضرتيش كمان امبارح.
هند وانتي اي إللي عرفك إني محضرتش امبارح !
سلمي هو انا مش عارفة مواعيدك ولا اي انتي جاية قبل معاد ما بتخلصي ب ساعات.
هند تمام وانا مش رايحة الجامعة النهاردة.
سلمي اللي يريحك يلا يا سماح عشان اوصلك مدرستك ولا مش رايحة انتي كمان!
سماح انا جاهزة اهه يلا بينا...
..................
وصلت سلمي الجامعة بعد ما وصلت اختها سماح المدرسة وفي الجامعة قابلوها صحابها المقربين منها منال و رباب ألقت عليهم الصباح وقعدوا يتكلموا مع بعض شوية...
..
منال مالك يا سلمي انتي تعبانة ولا اي!
سلمي لاء مافيش حاجه ليه بتقولي كده
منال باين عليكي أنه فيه حاجة وكمان باين علي عينيكي انك منمتيش من امبارح.
سلمي لا مافيش حاجه انا بس اللي كنت سهرانة شوية.
رباب يا بنتي اتكلمي إحنا برضه اصحابك ده انتي باين عليكي كمان انك كنتي بټعيطي
وهنا بدأت سلمي تبكي وكانت مڼهارة من العياط .
منال لاااااا ده واضح إن الموضوع كبير أوي.
واحنا مش هنسيبك غير لما تحكيلنا اي إللي حصل معاكي ووصلك للحالة دي.
رباب ايوا يا سلمي إحنا اصحابك وده حقك علينا أننا نسمعك ونكون جنبك ومافيش مشكلة مالهاش حل.
سلمي خلاص انا هقولكم كل حاجة.
وبدأت سلمي تحكي لأصحابها كل حاجة بالتفصيل وأنها مش عارفه تعمل اي بعد ما اكتشفت أن والدتها بتشتغل في البيوت بعد ما بتخلص شغل المدرسة 
منال بس انتي المفروض تكوني فخورة بوالدتك وتدعميها كمان واختك هند مالهاش حق في التصرف اللي هي عملته.
رباب ايوا يا منال بس هي كمان مكانش ينفع أنها تخبي عليهم طول الفترة دي ولو يعني كان