مش عايزه اتجوز

أنت قاعد ليه
لقيته قام وقف قدامي وبدأ يبصلي وفضل يحرك في أيده شوية لحد ما أتكلم معنديش مشكلة مش عايز عيال موافق أتجوزك بس بشرط!
بصيتله للحظة استوعب هو موافق لا وعنده شرط إيه اللي أنا فيه د إذا كان أنا بقوله يتفضل د كمان هيتشرط
فضلت ساكته وبصاله لحد ما اتكلم أنا أصلا متجوز وبحب مراتي بس مكنش عندي مانع أتجوز تاني ف إيه رأيك اتجوزك وتيجي تخدمي أمي اهي ست كبيرة وتخدي ثواب فيها وهتبقي على ذمة راجل بردو أبتسم ابتسامة سمجة اهو هتبقي كسبتي دنيا وآخرة بردو.

مستوعبتش هو قال إيه
متجوز أخدم امه على ذمة راجل! كسبت دنيا وآخرة!
فضلت باصله ومتنحه هو بيقول إيه المتخلف د!
لفيت دماغي بصيت ليهم لقيتهم اتهربوا من نظرتي هما عارفين
عارفين أنه متجوز وهيرموني ليه
لفيت دماغي ليه وأنا تقريبا مكنتش طايقة نفسي ولا طايقه حد ومحستش غير وأنا بزعقله أنت متخلف اخدمك أنت وأمك لا وقال إيه على ذمة راجل هو فين الراجل د أصلا عشان أبقى على ذمته أتفضل غور برا وإياك المحك قدامي تاني هتشوف رد فعل مش هيعجبك أنت فاهم براا.
حاولت أتماسك بقيت باخد نفسي بصعوبة سماعه وهو بيقول آمال لو مكنتيش معيوبة هتعملي إيه أنا غلطان إني جاي اتجوزك أنت الخسرانة سمعت صوت خالي وهو بيقوله معلش يبني أهدى هي بس مش معجبهاش الكلام وصوت الباب اتقفل دخلت أوضتي كلامه بيتردد في دماغي نفسي مش متظبط حاسه إني مش قادرة اتنفس الدنيا لفت بيا ومحستش بأي حاجة.
فوقت لقيت نفسي في مستشفي وفي أيدي محاليل ولقيت أمي وسلمى قاعدين جمبي حاولت أرفع نفسي وقعدت.
لقتها بصتلي بلهفة أنت كويسة يا بنتي حقك عليا والله مكنتش أعرف إنه هيحصل كل د أنا كنت عايزة أفرح بيك بس.
بصتلها وعيوني دمعت عشان تفرحي بيا ترميني ليهم زي الخدامة كده هتفرحي بيا يا ماما حرام عليكوا أنتوا مش حاسين بيا ولا بۏجعي موضوع الجواز د يتقفل أنا مش عايزة حد يفتح معايا السيرة د وبصيت لسلمى عشان تعرف أن حتى هي متكلمنيش تاني في الحوار د.
روحت البيت دخلت أوضتي غيرت وطلعت أبص على ماما كانت نامت دخلت وقفت في البلكونة وأطلقت العنان لدموعي.
مش بأيدي كل د أنا يمكن قهرانة وقلبي بيتقطع بس راضية والله يارب راضية بس ساعدني بلاش يحصلي كل د أنا مش قادرة استحمل كل الۏجع د لوحدي يارب.
مسحت دموعي ودخلت صليت ونمت مش قادرة أعمل حاجة حتى امارس أبسط هواياتي بس مش هفضل كده كتير وعشان إنسان رجعي متخلف مبيفهمش في الزوق هو أو غيره.
ماما أنا نازلة هاخد السكيت وهنزل اتمشى بيه شوية.
بصتلي وأبتسمت ومشت أيديها على دماغي وهي مبتسمة روحي يا حبيبتي بس متتأخريش ربنا يجبر بخاطرك يا بنتي.
أبتسمت وحضنتها ونزلت.
نقيت شارع فاضي مفهوش حد بحس وأنا بتحرك بيه كأني فراشة طايرة الهوا ېلمس وشي بحس براحة يمكن اتمرمط لحد ما اتعلمته فاكرة إني جربته مرتين أنا وسلمى هي زهقت ومعجبهاش أنا حسيت إنه مريح آه تعبت لحد ما بقيت أقدر امشى بيه عادي بس مفيش الطف من كده وبدأت كل يومين أنزل الف شوية في اي شارع فاضي.
إيه د مش شايف قدامك مثلا
لقيته بصلي واتعصب مين فينا اللي مفروض يبص قدامه
اتعصبت لا والله أنا باصة قدامي كويس وحاولت اتفداك وأنت مصمم تتخبط ومش عارف تعدل مسارك اعملك إيه
وبعدين هو لازم أوي تمشي في